Geir: Erfiðara að velja 28 manna hópinn Eiríkur Stefán Ásgeirsson skrifar 15. desember 2017 17:21 Strákarnir okkar standa í ströngu í janúar. Vísir Laust fyrir klukkan fjögur síðdegis barst tilkynning frá HSÍ þess efnis að Geir Sveinsson hefði valið landsliðshóp Íslands fyrir EM í Króatíu sem fer fram í janúar. Tilkynningin kom nokkuð á óvart enda hafði ekki verið tilkynnt fyrirfram að von væri á lokahópnum í dag. Geir er á leið á sitt annað stórmót með íslenska landsliðinu sem þjálfari en hann komst í 16-liða úrslit á HM í Frakklandi í fyrra þar sem strákarnir okkar duttu út gegn Frakklandi eftir hetjulega baráttu. Undankeppni EM gekk ekki eins og best verður á kosið en nógu vel og slapp Ísland naumlega inn á EM þrátt fyrir að hafa lent í þriðja sæti síns riðils.Sjá einnig:Geir búinn að velja 16 manna hóp fyrir EM | Ágúst Elí tekur sæti Arons Rafns Strákarnir okkar eru í sterkum riðli á EM í Króatíu með heimamönnum Króata, nágrannaþjóðinni Serbíu og sterku liði Svía. Þrátt fyrir að þrjú lið fari áfram í milliriðla verður það ekki auðvelt verk fyrir Geir og hans menn. Hann segir þó í samtali við íþróttadeild að hann beri traust til þess hóps sem hann valdi í dag, en einnig 28 manna hópsins sem var tilkynntur í byrjun desember. Leikmenn í þeim hópi koma aðeins til greina sem leikmenn Íslands á mótinu en Geir hefur þann möguleika að breyta landsliðshópnum eftir að mótið hefst. „Svo ég segi það hreint út þá var það stærsti höfuðverkurinn að velja 28 manna hópinn. Þegar maður gerir það þarf maður að hugsa ansi marga leiki fram í tímann,“ sagði Geir en hann segir að það hafi í raun legið fyrir í talsverðan tíma að þetta væru leikmennirnir sextán sem hann myndi taka með til Króatíu. „Ég hef talað síðustu daga og vikur við alla 28 leikmenn og þeir vita allir sína stöðu. Þetta hefur verið að gerjast hjá okkur í þjálfarateyminu undanfarið og þetta varð niðurstaðan.“ Aron getur eignað sér stöðunaAron Rafn Eðvarðsson í leik með ÍBV.vísir/anton brinkGeir segir frá þeim ástæðum sem lági að baki því að hann valdi Ágúst Elí Björgvinsson, markvörð FH, í hópinn ásamt Björgvini Páli Gústavssyni. En eftir sitja heima Aron Rafn Eðvarðsson og Hreiðar Levý Guðmundsson.Sjá einnig:Geir: Ágúst Elí hefur svarað kallinu vel „Ég sá ekki fyrir mér að taka þrjá markverði með til Króatíu. Alla vega ekki í 16 manna hópinn. Það er reyndar mögulegt að ég taki sautjánda manninn með út og það getur vel verið að sá verði markvörður.“ „En ég velti Aroni mikið fyrir mér. Hann er 28 ára og á framtíðina fyrir sér. Hann hefur möguleika á að einoka þessa stöðu. Hann gaf mér gott merki í sumar með því að standa sig vel gegn Úkraínu en einhverra hluta vegna hefur hann ekki fundið sig með ÍBV í haust. Þó svo að mér þykir hann vaxandi og hafi verið að standa sig betur síðustu vikurnar þá finnst mér að hann hafi ekki gert nóg til að koma með.“ Framtíð Ýmis á línunniÝmir er á leið á EM.vísir/andri marinóÝmir Örn Gíslason er eins og Ágúst Elí að fara á sitt fyrsta stórmót. Geir segist ánægður með hans framgöngu með Val en einnig þegar hann hefur fengið tækifærið með landsliðinu. „Hann þarf að aðlagast landsliðinu sem fyrst. Það var lán í óláni fyrir hann að bróðir hans [Orri Freyr] hafi meiðst því þá fór hann að spila meira á línunni fyrir Val. Það er hans framtíðarstaða,“ sagði Geir en Ýmir hefur spilað lengi sem miðjumaður, bæði í yngri flokkum og nú í vetur með Val. „Ég held að sú reynsli hjálpi honum en hans styrkleiki liggur í því að spila á línunni auk þess sem hann er frábær varnarmaður. Það er framtíð hans.“ Allir eiga erindi til KróatíuGeir segist ánægður með stöðu mála eins og er og þrátt fyrir að það hafi sextán manna hópur verið tilkynntur í dag þá komi hinir tólf í stóra hópnum enn til greina. „Það er enginn í þessum hópi sem ég tel að eigi ekki erindi á mótið. Kjarninn er öflugur og það er góð blanda í hópnum. Það eru 4-5 leikmenn sem tóku sín fyrstu skref á stórmóti í fyrra og svo tveir nýir núna. Flestir eru þeir miklir stríðsmenn og karakterar. Ég hef mikla trú á þessum hópi.“ EM 2018 í handbolta Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira
Laust fyrir klukkan fjögur síðdegis barst tilkynning frá HSÍ þess efnis að Geir Sveinsson hefði valið landsliðshóp Íslands fyrir EM í Króatíu sem fer fram í janúar. Tilkynningin kom nokkuð á óvart enda hafði ekki verið tilkynnt fyrirfram að von væri á lokahópnum í dag. Geir er á leið á sitt annað stórmót með íslenska landsliðinu sem þjálfari en hann komst í 16-liða úrslit á HM í Frakklandi í fyrra þar sem strákarnir okkar duttu út gegn Frakklandi eftir hetjulega baráttu. Undankeppni EM gekk ekki eins og best verður á kosið en nógu vel og slapp Ísland naumlega inn á EM þrátt fyrir að hafa lent í þriðja sæti síns riðils.Sjá einnig:Geir búinn að velja 16 manna hóp fyrir EM | Ágúst Elí tekur sæti Arons Rafns Strákarnir okkar eru í sterkum riðli á EM í Króatíu með heimamönnum Króata, nágrannaþjóðinni Serbíu og sterku liði Svía. Þrátt fyrir að þrjú lið fari áfram í milliriðla verður það ekki auðvelt verk fyrir Geir og hans menn. Hann segir þó í samtali við íþróttadeild að hann beri traust til þess hóps sem hann valdi í dag, en einnig 28 manna hópsins sem var tilkynntur í byrjun desember. Leikmenn í þeim hópi koma aðeins til greina sem leikmenn Íslands á mótinu en Geir hefur þann möguleika að breyta landsliðshópnum eftir að mótið hefst. „Svo ég segi það hreint út þá var það stærsti höfuðverkurinn að velja 28 manna hópinn. Þegar maður gerir það þarf maður að hugsa ansi marga leiki fram í tímann,“ sagði Geir en hann segir að það hafi í raun legið fyrir í talsverðan tíma að þetta væru leikmennirnir sextán sem hann myndi taka með til Króatíu. „Ég hef talað síðustu daga og vikur við alla 28 leikmenn og þeir vita allir sína stöðu. Þetta hefur verið að gerjast hjá okkur í þjálfarateyminu undanfarið og þetta varð niðurstaðan.“ Aron getur eignað sér stöðunaAron Rafn Eðvarðsson í leik með ÍBV.vísir/anton brinkGeir segir frá þeim ástæðum sem lági að baki því að hann valdi Ágúst Elí Björgvinsson, markvörð FH, í hópinn ásamt Björgvini Páli Gústavssyni. En eftir sitja heima Aron Rafn Eðvarðsson og Hreiðar Levý Guðmundsson.Sjá einnig:Geir: Ágúst Elí hefur svarað kallinu vel „Ég sá ekki fyrir mér að taka þrjá markverði með til Króatíu. Alla vega ekki í 16 manna hópinn. Það er reyndar mögulegt að ég taki sautjánda manninn með út og það getur vel verið að sá verði markvörður.“ „En ég velti Aroni mikið fyrir mér. Hann er 28 ára og á framtíðina fyrir sér. Hann hefur möguleika á að einoka þessa stöðu. Hann gaf mér gott merki í sumar með því að standa sig vel gegn Úkraínu en einhverra hluta vegna hefur hann ekki fundið sig með ÍBV í haust. Þó svo að mér þykir hann vaxandi og hafi verið að standa sig betur síðustu vikurnar þá finnst mér að hann hafi ekki gert nóg til að koma með.“ Framtíð Ýmis á línunniÝmir er á leið á EM.vísir/andri marinóÝmir Örn Gíslason er eins og Ágúst Elí að fara á sitt fyrsta stórmót. Geir segist ánægður með hans framgöngu með Val en einnig þegar hann hefur fengið tækifærið með landsliðinu. „Hann þarf að aðlagast landsliðinu sem fyrst. Það var lán í óláni fyrir hann að bróðir hans [Orri Freyr] hafi meiðst því þá fór hann að spila meira á línunni fyrir Val. Það er hans framtíðarstaða,“ sagði Geir en Ýmir hefur spilað lengi sem miðjumaður, bæði í yngri flokkum og nú í vetur með Val. „Ég held að sú reynsli hjálpi honum en hans styrkleiki liggur í því að spila á línunni auk þess sem hann er frábær varnarmaður. Það er framtíð hans.“ Allir eiga erindi til KróatíuGeir segist ánægður með stöðu mála eins og er og þrátt fyrir að það hafi sextán manna hópur verið tilkynntur í dag þá komi hinir tólf í stóra hópnum enn til greina. „Það er enginn í þessum hópi sem ég tel að eigi ekki erindi á mótið. Kjarninn er öflugur og það er góð blanda í hópnum. Það eru 4-5 leikmenn sem tóku sín fyrstu skref á stórmóti í fyrra og svo tveir nýir núna. Flestir eru þeir miklir stríðsmenn og karakterar. Ég hef mikla trú á þessum hópi.“
EM 2018 í handbolta Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira