Innlent

Fyrstu skref ríkisstjórnar Katrínar í Víglínunni

Tryggvi Páll Tryggvason skrifar

Alþingi lauk fyrstu umræðu um fyrsta fjárlagafrumvarp ríkisstjórnar Katrínar Jakobsdóttur í gærkvöldi og þar með er ríkisstjórnin komin skrefinu lengra en síðasta ríkisstjórn sem ekki tókst að ljúka fyrstu umræðu um frumburð sinn í fjárlagagerð.

Sigurðurður Ingi Jóhannsson einn þriggja oddvita stjórnarflokkanna og Guðmundur Ingi Guðbrandsson umhverfisráðherra mæta í Víglínuna til Heimis Más Péturssonar fréttamanns á Stöð 2 og Vísi í dag til að ræða þá jafnvægislist sem þrír ólíkir stjórnarflokkar þurfa að tileinka sér til að ná saman um einstök mál.

Í seinni hluta þáttarins mæta þær Þorgerður Katrín Gunnarsdóttir formaður Viðreisnar og Halldóra Mogensen þingmaður Pírata. En þær gagnrýndu stjórnarsáttmálann, fjárlagafrumvarpið og fjármálaáætlun ríkisstjórnarinnar með örlítið öðrum hætti en þingmenn og leiðtogar annarra flokka sem tóku til máls um stefnuræðu forsætisráðherra á fimmtudagskvöld.

Víglínan er í opinni dagskrá og beinni útsendingu klukkan 12:20 á Stöð 2 og Vísi. Horfa má á útsendinguna í spilaranum hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.