Lífið kynningar

Ár breytinga hjá Lindex

Miklar breytingar hafa orðið á rekstri Lindex og verslunum úti á landi hefur fjölgað til muna. "Okkur hefur lánast að hafa með okkur ótrúlegan flotta hóp starfsfólks sem hefur byggt þetta upp með okkur og fyrir það erum við einstaklega þakklát. Við erum einnig þakklát fyrir samstarf við UNICEF og Krabbameinsfélag Íslands en við stefnum að því að verða stærstu einstöku stuðningsaðilar þessara samtaka.“
Miklar breytingar hafa orðið á rekstri Lindex og verslunum úti á landi hefur fjölgað til muna. "Okkur hefur lánast að hafa með okkur ótrúlegan flotta hóp starfsfólks sem hefur byggt þetta upp með okkur og fyrir það erum við einstaklega þakklát. Við erum einnig þakklát fyrir samstarf við UNICEF og Krabbameinsfélag Íslands en við stefnum að því að verða stærstu einstöku stuðningsaðilar þessara samtaka.“

Á árinu hefur fjöldi verslana Lindex á Íslandi tvöfaldast og ný netverslun verið tekin í notkun, auk þess sem samkeppnisumhverfið hefur breyst mikið. Þetta hefur gert árið 2017 að ári breytinga hjá Lindex. Fyrirtækið, sem hóf göngu sína í bílskúr á Selfossi, fagnar nú sjöunda árinu í fremstu röð verslana með barna, dömu- og undirfatnað, ásamt snyrtivörum hér á Íslandi.

„Árið hófst með því að við þurftum nauðsynlega að ná utan um það sem hafði ekki fylgt eftir hraðri uppbyggingu okkar en það er lagerinn. Hann var í raun á þremur ólíkum stöðum með tilheyrandi óþægindum og óhagkvæmni sem því fylgdi. Þetta var orðin risastór hindrun í frekari vexti okkar og eftir þó nokkra leit lánaðist okkur að finna húsnæði sem hentaði okkur fullkomlega. Við fjárfestum í tæplega 1.000 fm húsnæði í Garðabænum sem gerði okkur kleift að taka næstu skref fram á við. Við komum þannig öllum okkar rekstri á einn og sama stað, sem lagði ákveðinn grunn að því sem koma skyldi,“ segir Albert.

Undirfataverslun opnuð á Laugaveginum
Fyrsta verslunin sem bættist í verslunarflóruna var undirfataverslunin á Laugaveginum í maí. „Við vildum opna verslun í miðbæ Reykjavíkur en staðsetning og stærð fannst ekki fyrr en við fundum húsnæði að Laugavegi 7. Það hentaði fullkomlega fyrir undirfataverslun og var gaman að kynna í fyrsta sinn nýja innréttingahönnun í miðborginni,“ segir Lóa.

Lindex er með breiða línu af fatnaði fyrir alla aldurshópa. Lögð er áhersla á góða þjónustu.

Verðlaunahönnun 
Nýtt útlit Lindex verslana var frumsýnt á Íslandi en fyrirtækið hefur áður hlotið verðlaun fyrir hönnunina á verslunum sínum. Hönnunin kallast „clean concept“ og byggir á björtu yfirbragði, ólíkum litbrigðum hvítra og svartra lita, auk viðar sem gefur versluninni skandinavískt yfirbragð. Hugmyndafræðin nær einnig til umhverfis- og sjálfbærnisstefnu Lindex og þetta endurspeglast í stöðugt meira framboði á vörum framleiddum með sjálfbærum hætti. Fyrirtækið hefur einsett sér að 80% af framleiðslunni verði framleidd með sjálfbærum og umhverfisvænum hætti fyrir árið 2020 og 100% af bómull Lindex verði framleidd með lífrænum og/eða sjálfbærum hætti fyrir þann tíma.

DJ Dóra hélt uppi stuðinu þegar Lindex á Vesturlandi var opnuð.

Barnalínan úr lífrænni bómull
Haustið 2016 kynnti Lindex einnig möguleika á að endurnýta fatnað með því að skila til verslunarinnar og fá í staðinn inneign í gegnum aðild að vildarklúbbnum More at Lindex. Langstærstur hluti af barnalínu Lindex er úr lífrænni bómull og endurunnum efnum.

Í kjölfarið á vel heppnaðri opnun í miðbænum var hafist handa við verslunina í Krossmóa, Reykjanesbæ, 330 fm verslun sem er í einu verslunarmiðstöð Suðurnesja. „Það verkefni gekk hreint út sagt ótrúlega vel! Við vorum með tilbúna verslun tveimur vikum fyrir auglýstan opnunardag svo við ákváðum að flýta opnuninni um hálfan mánuð. Móttökurnar fóru fram úr okkar björtustu vonum en fyrsta mánuðinn tókum við á móti rúmlega öllum íbúafjölda Reykjanesbæjar. Móttökurnar á Suðurnesjum eru okkur mikils virði,“ segir Lóa.

Netverslunin lindex.is opnuð
Netverslun hefur aukist gríðarlega á undanförnum misserum, um 60% aukning milli ára skv. útgefnum tölum Póstsins. Lindex opnaði lindex.is þann 1. september og hafa viðbrögðin ekki látið standa á sér.

„Boðið er upp á fjölmarga afhendingarkosti, allt frá því að sækja vöruna daginn eftir kaup í eina af verslunum Lindex, til þess að fá hana senda beint heim að dyrum. Afhending í verslanir Lindex er alltaf án endurgjalds og sending á pósthús viðkomandi er ókeypis sé verslað fyrir meira en 5.000 kr.,“ segir Albert og bætir við: „Við erum í skýjunum yfir því hvernig netverslun hjá okkur hefur þróast en þetta hefur gerst mun hraðar en við gerðum ráð fyrir.“

Bjartari og rýmri verslanir
Til viðbótar við fjölgun verslana hafa verslanirnar í Kringlunni og Smáralind tekið miklum breytingum.

„Við sáum að það þrengdi verulega að okkar viðskiptavinum í barnaversluninni í Kringlunni. Því var brugðið á það ráð að sameina undirfataverslunina og dömuverslunina og stækka Lindex Kids um nær helming. Þessi breyting hefur skilað því að mun betur fer um þessa mikilvægu deild okkar og verslunin er í stöðugum vexti,“ segir Albert.

„Einnig sáum við tækifæri með flutningi lagersins til að stækka verslunina í Smáralind og stækka starfsmannaaðstöðu um leið og við gerbreyttum útliti og aðkomu verslunarinnar í Smáralind. Með þessu móti gátum við gjörbreytt mátunarklefunum, ásamt því að stækka undirfata- og barnadeildina. Verslunin er björt og stór,“ segir Albert brosandi.

Nýtt útlit á Lindex verslununum er bjart og smart.

Til að fylgja eftir vel heppnaðri opnun var ákveðið að fara á Vesturland, nánar tiltekið á Akranes, með verslun.

„Það var engu líkara en að verslunarbilið hafi beðið eftir okkur þarna við hlið Krónunnar á Dalbraut 1 á Akranesi. Þetta eru tæpir 400 fm þar sem allt það helsta úr okkar vörulínum fæst. Verslunin er einstaklega björt og hefur aðsókn verið engu lík,“ segir Lóa.

„Gangurinn endurspeglast vel í því að við þurftum þegar í stað að bæta við afgreiðslukassa, slíkur var fjöldinn. Við erum virkilega ánægð með hversu vel Vestlendingar hafa tekið Lindex,“ segir Lóa.

Spennt fyrir nýju ári
Að lokum er vel við hæfi að spyrja, hvort þetta sé ekki orðið ágætt af opnunum nýrra verslana. Hvað er fram undan?

„Við erum ótrúlega spennt fyrir nýju ári. Við höfum fengið að skyggnast inn í línur næsta árs og verður skemmtilegt að geta haldið áfram að bjóða tískuupplifun á heimsmælikvarða á öllum þessum nýju stöðum. Það standa til breytingar á Laugaveginum sem verður algjör nýlunda á Íslandi og þótt víðar væri leitað. Til viðbótar erum við sérlega spennt fyrir að opna í mínum heimabæ, Selfossi, með tilkomu nýs miðbæjar þar,“ segir Lóa.

„Okkur hefur lánast að hafa með okkur ótrúlega flottan hóp starfsfólks sem hefur byggt þetta upp með okkur og fyrir það erum við einstaklega þakklát. Við erum einnig þakklát fyrir samstarf við UNICEF og Krabbameinsfélag Íslands en við stefnum að því að verða stærstu einstöku stuðningsaðilar þessara samtaka. Við héldum UNICEF dag í verslunum okkar um daginn og Sannar gjafir eru gott dæmi um þetta samstarf en þetta er þriðja árið í röð þar sem við einsetjum okkur að styðja við baráttu UNICEF fyrir bættum hag barna í heiminum,“ segir Albert að lokum



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira