Erlent

Suður-kóresk poppstjarna fannst látin

Atli Ísleifsson skrifar
Jonghyun var vinsælasti liðsmaður Shinee.
Jonghyun var vinsælasti liðsmaður Shinee. Vísir/Getty

Einn af liðsmönnum suður-kóresku strákasveitarinnar Shinee hefur fundist látinn í íbúð sinni í höfuðborginni Seúl.

Jonghyun var 27 ára og Kim Jong-hyun réttu nafni. Hann var einn af fimm liðsmönnum sveitarinnar sem hefur átt hvern smellinn á fætur öðrum í Suður-Kóreu.

Suður-kóreskir fjölmiðlar greina frá því að Jonghyun hafi fundist meðvitundarlaus í íbúð sinni og verið fluttur á sjúkrahús þar sem hann var úrskurðaður látinn. Lögregla vill ekki útiloka að Jonghyun hafi svipt sig lífi.

Systir söngvarans kom að Jonghyun í íbúðinni og gerði sjúkraliði viðvart.

Jonghyun sló á ásamt öðrum liðsmönnum Shinee í gegn árið 2008, en þeir hafa einnig notið vinsæla á erlendum vettvangi, meðal annars í Japan. Hann hóf sólóferil sinn árið 2015.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira