Lífið

Endurgera og selja fræg plaköt úr kvikmyndasögunni

Daníel Freyr Birkisson skrifar
Sigurjón Kjartansson, Hugleikur Dagsson og Sjón.
Sigurjón Kjartansson, Hugleikur Dagsson og Sjón. Bíó Paradís

Kvikmyndahúsið Bíó Paradís gefur þessa dagana út kvikmyndaplaköt sem sækja innblástur í meistaraverk úr kvikmyndasögunni. Hönnunin er öll íslenskra hönnuða og listamanna og gefa þeir vinnu sína til styrktar verkefnisins. Um er að ræða söfnun sem fram fer á Karolinafund til styrktar Svörtum Sunnudögum og lýkur henni í kvöld.

Svartir Sunnudagar eru verkefni sem þeir Hugleikur Dagsson, Sigurjón Kjartansson og Sjón byrjuðu með á sínum tíma og eru þeir listrænir stjórnendur þess. Markmið Svartra Sunnudaga er að „halda úti metnaðarfullri kvikmyndadagskrá í menningarbíói Reykjavíkur.“

Fjöldi listamanna leggur hönd á plóg
Samantekt plakatanna ber heitið Almanak 2018 og eru listamennirnir sem skreyta það ekki af verri endanum. Það skreyta til að mynda Hugleikur Dagsson skopmyndateiknari, Siggi Eggertsson grafískur hönnuður, Lóa Hlín Hjálmtýsdóttir skopmyndateiknari og tónlistarmaður, Örvar Smárason tónlistarmaður og ljóðskáld, auk fjölda annarra.

Almanakið verður ekki sent út í pósti og verður einungis hægt að nálgast það í Bíó Paradís á Hverfisgötu 54 dagana 8.-22. desember. Hér má sjá plakötin sem um ræðir en hægt er að festa kaup á þessu vel heppnaða almanaki á vefsíðu Karolinafund.

Hér að neðan má síðan sjá hvaða listamenn lögðu fram vinnu sína.

Fargo
Alexandra Baldursdóttir grafískur hönnuður og tónlistarmaður.

Freaks
Solveig Pásdóttir teiknari og rappari.

The Adventures of Buckaroo Banzai
Ómar Hauksson grafískur hönnuður og hryllingsmyndasafnari.

Blade Runner
Örvar Smárason tónlistarmaður, ljóðskjáld og kvikmyndanemi.

Brazil
Hugleikur Dagsson skopmyndateiknari, rithöfundur og grínisti.

Edward Scissorhand / The Nighmare Before Christmas
Lóa H Hjálmtýsdóttir skopmyndateiknari og tónlistarmaður.

Ferris Bueller's Day Off
Sigurlaug Gísladóttir (Mr. Silla) tónlistarmaður og listamaður.

Mad Max
Geoffrey Skywalker teiknari og fullt af öðrum hlutum.

Saló, or The 120 Days of Sodom
Þrándur Þórarinsson málari sem er fastur á rangri öld.

Pulp Fiction
Auður Ómars sjónrænn listamaður á brúninni.

Robocop
Siggi Eggertsson grafískur hönnuður með hjarta úr gulli.

Trainspotting
Friðrik Sólnes málari og ljóðskjáld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira