Viðskipti erlent

Breski bóndinn sem lærði að búa til skyr á Íslandi frumkvöðull ársins

Tryggvi Páll Tryggvason skrifar
Sam Moorhouse fór ásamt Þórarni E. Sveinssyni vítt og breitt um landið til að kynna sér skyrgerð.
Sam Moorhouse fór ásamt Þórarni E. Sveinssyni vítt og breitt um landið til að kynna sér skyrgerð. Vísir

Sam Moorhouse, ungur breskur bóndi sem ferðaðist um Ísland með það að markmiði að læra að búa til skyr, var valinn frumkvöðull ársins á verðlaunahátíð breskra bænda í síðasta mánuði. Hann framleiðir skyr eftir íslenskri aðferð og fer framleiðslan ört vaxandi.

Alls komu 700 bændur og aðrir sérfræðingar saman á hátíðinni til þess að gera upp árið í mjólkuriðnaði á Bretlandi. Moorhouse, sem á og rekur Hesper Farm í Yorkshire-héraði, var valinn frumkvöðull ársins í flokki fjölbreytni. Moorhouse og fjölskylda hans hafa um árabil framleitt mjólk en vegna sviptinga á mjólkurmarkaði þurftu þau að leita nýrra leiða til að skjóta styrkari stoðum undir reksturinn. Íslenskt skyr var svarið.

Vísir fjallaði á síðasta ári ítarlega um svaðilför Moorhouse til Íslands til þess að kynna sér hvernig ætti að framleiða skyr. Í samtali við Vísi sagðist Moorhouse hafa dottið í hug að koma til Íslands eftir að hann sá grein um íslensku kúna í tímariti. Flaug hann til Íslands og smakkaði sig áfram þangað til að honum var bent á að tala við Þórarinn E. Sveinsson, mjólkurverkfræðing og sérfræðing í öllu sem viðkemur mjólk.

Sjá einnig: Bjargaði fjölskyldufyrirtækinu með óvissuferð til Íslands

Þórarinn og Moorhouse ferðuðust saman um Suðurland og Vestfirði þar sem Moorhouse fékk að læra réttu handbrögðin. Þá fór Þórarinn einnig til Englands til þess að aðstoða við vöruþróunina. Úr varð Hesper Farm Skyr sem unnið hefur til verðlauna í Bretlandi og er nú selt í matvöruverslunum víða um Bretland.

„Mér finnst ég hafa gert þetta á réttan hátt með því að fara til Íslands og læra hvernig á að búa til skyr af þeim sem hafa framleitt það í áraraðir,“ sagði Moorhouse í viðtali við Vísi.

Í rökstuðningi dómnefndarinnar segir að Moorhouse hafi þróað nýja mjólkurvöru fyrir Bretlandsmarkað sem tryggt hafi bústörf fjölskyldu hans um ókomna tíð.

„Hann rannsakaði vöruna, lærði að framleiða hana, var með skýra viðskiptaáætlun og mun deila þekkingu sinni eftir því sem fyrirtækið vex. Snilldarlegt og nýjungarlegt verkefni.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
NYHR
2,72
3
29.190
GRND
1,84
9
233.031
REGINN
0,98
4
113.580
SIMINN
0,95
6
197.862
N1
0,44
1
33.900

Mesta lækkun dagsins


Félag
Br.%
Fjöldi
Velta*
ICEAIR
-0,66
1
9.030
HAGA
-0,14
3
111.135
MARL
-0,08
13
187.906
REITIR
-0,06
3
65.150
EIM
0
1
17.570