Glamour

Upplestur á #metoo sögum í Borgarleikhúsinu í dag

Ritstjórn skrifar
Glamour/Getty

Í dag klukkan 16 munu íslenskar konur úr ólíkum stéttum koma saman á stóra sviði Borgarleikhússins og lesa frásagnir sem litið hafa dagsins ljós í #metoo baráttunni hér á landi. 



Um er að ræða hópa á borð við konur í sviðslistum, tónlist, stjórnmálum, íþróttum, kvikmyndum og fjölmiðlum svo eitthvað sé nefnt. #metoo baráttan hefur ekki farið framhjá neinum undanfarið enda farið eins og eldur um sinu síðan fyrr í vetur þegar leikkonur stigu fram og sökuðu Harvey Weinstein um kynferðislega áreitni og ofbeldi. 



Stjórnendur viðburðarins eru þær Silja Hauksdóttir og Sara Martí Guðmundsdóttir og meðal upplesara er forsætisráðherra Íslands, Katrín Jakobsdóttir. 

Á sama tíma verða viðburðir með svipuðu sniði haldnir á Ísafirði, Akureyri og Seyðisfirði.



Við mælum því að kíkja við þarna í dag - áfram gakk.  



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×