Lífið

Jólaspá Siggu Kling - Sporðdrekinn: Mundu bara að vorkenna þér aldrei

Elsku Sporðdrekinn minn! Þú hefur lent í ótrúlegustu aðstæðum en samt nærðu alltaf að forða þér frá erfiðleikunum. Það er sama í hvaða kringumstæðum þú lendir þú sendir alltaf frá þér útgeislun sem enginn stenst. Það eru til tvær tegundir af Sporðdrekum: þeir sem sjá sólina og þeir sem sjá myrkrið. Það er ekkert millibilsástand á Sporðdrekum, þeir eru annaðhvort allt eða ekkert.

Í huga þínum ertu með lífspúslið svo á hreinu, en mundu bara að vorkenna þér aldrei vegna einhvers sem þú hefur lent í, því þú hefur alltaf val og það sem er að gerast núna er hvorki uppeldi eða aðstæðum að kenna, heldur ákvörðun þinni um hvar þú vilt vera í lífinu. Líf þitt er ekki fyrirfram skrifað handrit heldur ert þú sjálfur handritshöfundur að þessari bók.

Þú ert í rosalega góðum krafti og í rísandi gleðiorku, ert nýbúinn að eiga afmæli sem tengir nýtt upphaf að næstu mánuðum. Þér mun finnast sem hlutverk þitt sé ekki auðvelt, en af auðveldu hlutverki í lífinu kemur enginn ávinningur.

Hjá mörgum ykkar er eins og ástin sé í háspennu, svo veldu þér núna einhvern þér við hlið sem skapar jafnvægi, því þú þarft manneskju sem gefur þér öryggi og frið, en ef þú leitar eftir spennunni þá getur það kramið hjarta þitt.

Haltu áfram í þessum dásamlega húmor sem þú býrð yfir og gerðu bara grín að því sem þér finnst vera vesen í lífinu. Sjálfstraust er á við fimmtán háskólagráður svo tileinkaðu þér að efla það, því þú ert á fljúgandi ferð inn í hamingjuna sem þú átt svo sannarlega skilið.

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur.

Skilaboðin til þín eru: Hamingjan er MÁLIÐ – Hamingjan (Lónlí Blú Bojs)



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.