Lífið

Jólaspá Siggu Kling - Steingeitin: Aðallífsspekin þín mun snúast um ástina

Elsku Steingeitin mín! Eins margbreytileg og dularfull persóna þú ert þá finnst fólki þú mest vera hagsýn og heilsteypt, en ef fólk rýnir inn í hjarta þitt sér það andlega sterka persónu sem það átti ekki von á.

Þeir sem eru svo heppnir að tengjast við þig detta í lukkupottinn, því þú ert að eilífu vinur, svo tryggur ertu þeim sem þú elskar. Það tekur þig langan tíma að verða ástfanginn og svo líka eilífan tíma að hverfa út úr þeim hughrifum og þessar tilfinningar geta skapað stríð í huga þinum.

En ef þú elskar satt og rétt og þú leggur höfuð þitt að hjarta þess sem þú elskar (eða bringu, hversu asnalega sem það hljómar) – og þú finnur að þú ert örugg þá ertu á réttum stað. Næstu þrír mánuðir sýna þér svo sannarlega framtíð þína, það er eins og þú finnir á þér hvað gerist næst. Eins varkár og þú ert þá sleppirðu þér lausri og þú finnur að þú flýtur án þess að þurfa kork eða kút. Láttu engan segja þér hvað er rétt eða rangt því þú færð svo sterkar tilfinningar gagnvart öllu sem þú vilt, svo enginn getur hindrað þig.

Aðallífsspekin þín mun snúast um ástina svo gefðu þér tíma til að njóta þess að elska og þá færðu það sem þú vilt, en ef þú ert alltaf að bíða eftir að aðrir gefi þér tíma eða tapaða ást aftur gerist ekki neitt.

Örlæti þitt og ástríki mun skapa þér vini af ólíkum toga sem munu hjálpa þér þegar þú þarfnast mest hjálpar. Þú elskar svoleiðis af öllu hjarta og sál en það getur samt stoppað þig í að skipta um skoðun um hvað sé í raun rétt og satt í ástinni.

Þú gerir allt með stæl og ert sannkölluð fyrirmynd, en láttu ekki það að vera Steingeit halda þér niðri í einhverjum kassa því hún getur drepið mann með því að vera of ábyrg í framtíðinni. Ég vel ávallt Steingeit til að vinna fyrir mig því hún mun ávallt standa fyrir sínu og við sitt, en stattu með þér og þinni hugsjón því styrkur þinn mun skila þér á rétta leið.

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður.

Setningin til þín er: Ekki vera Box-y vertu Fox-y – Litlir kassar (Þokkabót)



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira