Lífið

Ódýrt og einfalt jólaföndur sem allir geta gert

Lilja Katrín Gunnarsdóttir skrifar
Fallegt föndur er tilvalið í jólapakkann.
Fallegt föndur er tilvalið í jólapakkann. Vísir / Skjáskot af YouTube

Á YouTube-rásinni Olip Crafts er að finna ansi hressandi myndband þar sem farið er yfir hvernig er hægt að búa til fallegt jólaskraut og jólagjafir á einfaldan hátt.

Mikið af því sem er notað í myndbandinu, sem hægt er að sjá hér fyrir neðan, er nú þegar til á flestum heimilum, eins og til dæmis sokkar sem heimilisfólk er hætt að nota, plastflöskur sem eru á leiðinni á Sorpu, garn og klósettpappírsrúllur.

Myndbandið er miðað að táningum, en margt af því föndri sem hér er boðið upp á er svo einfalt að það er tilvalið fyrir alla fjölskylduna að gefa sér góða gæðastund í jólaösinni og föndra saman.

Svo er vert að taka það fram að bestu jólagjafirnar koma frá hjartanu þannig að það er tilvalið að föndra eitthvað í jólapakkann handa þeim sem standa þér næst. Höfum hugfast að hugurinn skiptir öllu máli.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira