Sanngjarnt jafntefli í Brighton

Brighton og Stoke gerðu 2-2 jafntefli í ensku úrvalsdeildinni í dag.

Eric Maxim Choupo-Moting kom gestunum yfir eftir hálftíma leik eftir frábæra sendingu Xherdan Shaqiri.

Pascal Gross jafnaði á 44. mínútu með skoti sem á einhvern ótrúlegan hátt endaði í markinu eftir að hafa farið á milli fóta tveggja leikmanna Stoke, varnarmannsins Erik Pieters og markmannsins Lee Grant.

Gestirnir komust aftur yfir í uppbótartíma fyrri hálfleiks eftir hræðilegan varnarleik Brighton í hornspyrnu.

Jose Izquierdo jafnaði svo leikinn fyrir heimamenn á 60. mínútu og bjargaði stigi fyrir Brighton.

Jafnteflið var nokkuð sanngjarnt, bæði lið áttu tækifæri til þess að stela sigrinum, en virtu stigið að leik loknum.