Fótbolti

Zlatan ekki sá besti í fyrsta sinn í áratug

Ingvi Þór Sæmundsson skrifar
Zlatan er kominn aftur á völlinn eftir erfið meiðsli.
Zlatan er kominn aftur á völlinn eftir erfið meiðsli. vísir/getty

Þau undur og stórmerki urðu að Zlatan Ibrahimovic var ekki útnefndur besti leikmaður Svíþjóðar í gær. Zlatan hafði fengið þessi verðlaun 10 ár í röð og 11 sinnum alls.

Í ár varð varnarmaðurinn Andreas Granqvist fyrir valinu. Hann tók við fyrirliðabandinu hjá sænska landsliðinu eftir að Zlatan lagði landsliðsskóna á hilluna eftir EM í fyrra.

Granqvist, sem er 32 ára, spilaði vel í undankeppni HM 2018 og átti svo stóran þátt í því að Svíar tryggðu sér farseðilinn til Rússlands með sigri á Ítölum í umspili.

Granqvist hefur leikið með Krasnodar síðan 2013. Hann var um tíma samherji Ragnars Sigurðsson hjá rússneska liðinu.

Zlatan fór þó ekki tómhentur heim af verðlaunahátíðinni í gær því hann var valinn besti sóknarmaðurinn fyrir frammistöðu sína með Manchester United.

Zlatan sneri aftur á völlinn eftir krossbandaslit þegar United vann 4-1 sigur á Newcastle United á laugardaginn.


Tengdar fréttir

Zlatan: Ljón jafna sig ekki eins og menn

Zlatan Ibrahimovic, leikmaður Manchester United, sneri til baka úr þrálátum meiðslum í gær þegar United tók á móti Newcastle á Old Trafford.

Pogba og Lukaku skoruðu í sigri United

Manchester United tók á móti Newcastle United í síðasta leik ensku úrvalsdeildarinnar í dag en fyrir leikinn var Manchester United í 3.sæti deildarinnar með 23 stig á meðan Newcastle sat í 9.sæti með 15 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira