Myndband Önnu Töru bannað: „Viðbrögðin komu mér ekki á óvart” Lilja Katrín Gunnarsdóttir skrifar 21. nóvember 2017 19:30 Anna tekur neikvæðar athugasemdir ekki nærri sér. Vísir / Úr einkasafni „Ég held að ég hefði bara gott af því að fara í sjálfsskoðun því það hlýtur að vera eitthvað bogið við að vera svona tilbúin í að fá svona mikið hatur og að finnast það svona auðvelt,” segir Reykjavíkurdóttirin og tónlistarskonan Anna Tara Andrésdóttir. Anna Tara hefur aldeilis valdið miklu fjaðrafoki á internetinu eftir að hún frumsýndi myndband við nýjasta lag sitt Pussypics. Eins og nafnið gefur til kynna er píkan í aðalhlutverki í myndbandinu. Myndbandið þykir of gróft til að fá að vera sýnt á myndbandaveitum og greip Anna Tara meira að segja á það ráð að reyna að koma myndbandinu inn á þekkta klámrás, en var hafnað. Hins vegar hangir myndbandið enn inni á annarri, stórri klámsíðu. Þá hefur lífleg umræða um myndbandið skapast í hinum ýmsu hópum á Facebook og hefur Anna Tara mátt þola mikinn fúkyrðaflaum út af téðu myndbandi. Hún lætur neikvæðu ummælin ekki á sig fá. „Ég hef ekki hugmynd um hvað sé það versta sem hefur verið skrifað um vidjóið, líklega vegna þess að ekkert særði mig eða situr eftir í minninu. Ætli mér finnist athugasemdirnar ekki bara ótrúlega ópersónulegar og hafa minna með mig að gera og meira með píkur og túrblóð að gera. Mér finnst viðbrögðin við myndbandinu aðallega spegla fólkið sjálft,” segir Anna Tara. Hún er búsett erlendis og verður því eingöngu fyrir aðkasti á internetinu. Hún var samt sem áður búin að undirbúa sig fyrir það að almenningur tæki Pussypics ekki vel. Píka og túrblóð einkennir myndbandið við lagið Pussypics.Mynd / Skjáskot „Ég gat í raun ekki elskað píkuna fyllilega nema að túrblóðið væri með” „Fyrst þegar ég fæ þessa hugmynd þá átta ég mig ekki á hvað þetta myndi reita fólk mikið til reiði en síðan fer ég að deila þessu með vinum og vandamönnum og fer að átta mig á að píkur og túrblóð fríkar fólk virkilega mikið út, sem er mög sorglegt og í raun bara styrkir réttlætiskenndina. Þannig hafði ég gert mér grein fyrir hvað ég var að fara út í og viðbrögðin komu mér ekki á óvart. Viðbrögðin eru væntanlega harkaleg því við eigum ennþá mjög langt í land þegar kemur að píkum og túrblóði.” En af hverju að búa til myndband sem veldur svona miklum usla? „Ég held að listamenn skilji afhverju ég legg í þetta því þetta er eins og með önnur verk; þau brjótast um inní manni og maður fær ekki sálarró fyrr en maður er búinn að koma þeim frá sér,” segir Anna Tara og telur að lagið og myndbandið hafi haft góð áhrif á hennar eigin sjálfsmynd. „Þetta myndband kemur úr jarðvegi sem hefur verið lengi í ræktun. Ein hugmynd af fætur annarra. Byrjar sem löngun til að setja píkur á vörur, síðan að langa til að setja píkur á “backdrop”, síðan í því að finnast að það eigi að vera fleiri pussypics í heiminum og færri dickpicks, sem verður að viðlaginu ,,Can´t stop sending those pussypics”. Þegar viðlagið var komið þá lá beint við að gera myndband af píku,” segir Anna Tara og lýsir hugsunarferlinu á bak við myndbandið. „Þá fór ég að átta mig á því að ég gat í raun ekki elskað píkuna fyllilega nema að túrblóðið væri með. Þýðir ekki að skammast sín fyrir píkuna eina viku í mánuði og elska hana í þrjár. En ég myndi segja að þetta verkefni hafi haft mjög jákvæð áhrif á mína sjálfsmynd og því vonast ég til þess að það hafi það á aðra líka. Svo vildi ég auðvitað varpa ljósi á vandamálið og viðbrögðin gera það svo sannarlega að mínu mati. Mér sjálfri finnst ekkert sjokkerandi við myndbandið og það var aldrei markmið að sjokkera. Mér fannst vanta sjálfsást og það endurspeglar sig í hatrinu að hana vantar.” Anna Tara heldur áfram að reyna að koma myndbandinu fyrir augu heimsins. Skjól fyrir píkur á netinu Söngkonan Sólveig Páls syngur með Önnu Töru í laginu og BLKPRTY pródúseruðu það. Hún er þakklát fyrir það samstarf en það kemur henni jafnframt á óvart hve fáir taka upp hanskann fyrir píkunni. „Sum viðbrögðin eru bara dynjandi þögn og það segir líka mikið. Það virðast vera fáir tilbúnir að taka þennan slag með mér. Það hefur verið erfitt að halda laginu á netinu, því hefur verið eytt út af mörgum grúbbum og það var mjög erfitt að fá fjölmiðla til að fjalla um það. En það eru margir sem eiga erfitt með tilvist píkna og túrblóðs og vilja að konur séu „hógværar” með þessa hluti. Þess vegna er eitthvað ótrúlega fullnægjandi við það að blasta því í andlitið á þeim,” segir Anna Tara. Hún veltir fyrir sér hvort hún eigi að setja myndbandið upp á sínum eigin server svo það fái að sjást. „Draumurinn er að setja upp server svo að enginn hafi valdið til að taka myndbandið niður. Þannig væri komið skjól fyrir píkur á netinu annars staðar en á klámsíðum. Sömuleiðis gætu þeir sem eru í sömu sporum og ég fengið að nota það rými á internetinu. Hér með auglýsi ég eftir starfskrafti í það verkefni,” segir Anna Tara. En hvað er næst hjá þessari umdeildu listakonu? „Ég hef ekki hugmynd. Ætli ég vilji ekki líka smá hvíld og gera aðeins heilalausari verkefni inn á milli en verkefni eins og þetta og Næs í rassinn þurfa oft mikinn tíma til að vera ræktuð til að ná á dýptina. Þannig þarf ég að vera í sjálfri mér lengi og smátt og smátt komast í annan heim því frumleikann finn ég bara inní sjálfri mér.” Horfa má á myndband Önnu Töru með því að smella á þennan hlekk. Við vörum viðkvæma við. Mest lesið „Með því að vera með honum varð ég meira ég sjálf“ Lífið Nígeríusvindlarinn reyndist vera bróðir hans Lífið „Mig dreymir um lítið kríli“ Lífið Fréttatía vikunnar: Frambjóðendur, eldgos og bjór Lífið Arkitekt dýrasta húss Íslandssögunnar selur í Fossvogi Lífið „Það má segja að þetta sé í raun sorg og uppgjör“ Tónlist „Æskuheimilið hans er bara rústir“ Lífið Vítalía og Arnar Grant í kossaflensi Lífið Valgerður selur íbúðina í Vesturbænum Lífið Féllust í faðma á tilfinningaríkri stundu Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira
„Ég held að ég hefði bara gott af því að fara í sjálfsskoðun því það hlýtur að vera eitthvað bogið við að vera svona tilbúin í að fá svona mikið hatur og að finnast það svona auðvelt,” segir Reykjavíkurdóttirin og tónlistarskonan Anna Tara Andrésdóttir. Anna Tara hefur aldeilis valdið miklu fjaðrafoki á internetinu eftir að hún frumsýndi myndband við nýjasta lag sitt Pussypics. Eins og nafnið gefur til kynna er píkan í aðalhlutverki í myndbandinu. Myndbandið þykir of gróft til að fá að vera sýnt á myndbandaveitum og greip Anna Tara meira að segja á það ráð að reyna að koma myndbandinu inn á þekkta klámrás, en var hafnað. Hins vegar hangir myndbandið enn inni á annarri, stórri klámsíðu. Þá hefur lífleg umræða um myndbandið skapast í hinum ýmsu hópum á Facebook og hefur Anna Tara mátt þola mikinn fúkyrðaflaum út af téðu myndbandi. Hún lætur neikvæðu ummælin ekki á sig fá. „Ég hef ekki hugmynd um hvað sé það versta sem hefur verið skrifað um vidjóið, líklega vegna þess að ekkert særði mig eða situr eftir í minninu. Ætli mér finnist athugasemdirnar ekki bara ótrúlega ópersónulegar og hafa minna með mig að gera og meira með píkur og túrblóð að gera. Mér finnst viðbrögðin við myndbandinu aðallega spegla fólkið sjálft,” segir Anna Tara. Hún er búsett erlendis og verður því eingöngu fyrir aðkasti á internetinu. Hún var samt sem áður búin að undirbúa sig fyrir það að almenningur tæki Pussypics ekki vel. Píka og túrblóð einkennir myndbandið við lagið Pussypics.Mynd / Skjáskot „Ég gat í raun ekki elskað píkuna fyllilega nema að túrblóðið væri með” „Fyrst þegar ég fæ þessa hugmynd þá átta ég mig ekki á hvað þetta myndi reita fólk mikið til reiði en síðan fer ég að deila þessu með vinum og vandamönnum og fer að átta mig á að píkur og túrblóð fríkar fólk virkilega mikið út, sem er mög sorglegt og í raun bara styrkir réttlætiskenndina. Þannig hafði ég gert mér grein fyrir hvað ég var að fara út í og viðbrögðin komu mér ekki á óvart. Viðbrögðin eru væntanlega harkaleg því við eigum ennþá mjög langt í land þegar kemur að píkum og túrblóði.” En af hverju að búa til myndband sem veldur svona miklum usla? „Ég held að listamenn skilji afhverju ég legg í þetta því þetta er eins og með önnur verk; þau brjótast um inní manni og maður fær ekki sálarró fyrr en maður er búinn að koma þeim frá sér,” segir Anna Tara og telur að lagið og myndbandið hafi haft góð áhrif á hennar eigin sjálfsmynd. „Þetta myndband kemur úr jarðvegi sem hefur verið lengi í ræktun. Ein hugmynd af fætur annarra. Byrjar sem löngun til að setja píkur á vörur, síðan að langa til að setja píkur á “backdrop”, síðan í því að finnast að það eigi að vera fleiri pussypics í heiminum og færri dickpicks, sem verður að viðlaginu ,,Can´t stop sending those pussypics”. Þegar viðlagið var komið þá lá beint við að gera myndband af píku,” segir Anna Tara og lýsir hugsunarferlinu á bak við myndbandið. „Þá fór ég að átta mig á því að ég gat í raun ekki elskað píkuna fyllilega nema að túrblóðið væri með. Þýðir ekki að skammast sín fyrir píkuna eina viku í mánuði og elska hana í þrjár. En ég myndi segja að þetta verkefni hafi haft mjög jákvæð áhrif á mína sjálfsmynd og því vonast ég til þess að það hafi það á aðra líka. Svo vildi ég auðvitað varpa ljósi á vandamálið og viðbrögðin gera það svo sannarlega að mínu mati. Mér sjálfri finnst ekkert sjokkerandi við myndbandið og það var aldrei markmið að sjokkera. Mér fannst vanta sjálfsást og það endurspeglar sig í hatrinu að hana vantar.” Anna Tara heldur áfram að reyna að koma myndbandinu fyrir augu heimsins. Skjól fyrir píkur á netinu Söngkonan Sólveig Páls syngur með Önnu Töru í laginu og BLKPRTY pródúseruðu það. Hún er þakklát fyrir það samstarf en það kemur henni jafnframt á óvart hve fáir taka upp hanskann fyrir píkunni. „Sum viðbrögðin eru bara dynjandi þögn og það segir líka mikið. Það virðast vera fáir tilbúnir að taka þennan slag með mér. Það hefur verið erfitt að halda laginu á netinu, því hefur verið eytt út af mörgum grúbbum og það var mjög erfitt að fá fjölmiðla til að fjalla um það. En það eru margir sem eiga erfitt með tilvist píkna og túrblóðs og vilja að konur séu „hógværar” með þessa hluti. Þess vegna er eitthvað ótrúlega fullnægjandi við það að blasta því í andlitið á þeim,” segir Anna Tara. Hún veltir fyrir sér hvort hún eigi að setja myndbandið upp á sínum eigin server svo það fái að sjást. „Draumurinn er að setja upp server svo að enginn hafi valdið til að taka myndbandið niður. Þannig væri komið skjól fyrir píkur á netinu annars staðar en á klámsíðum. Sömuleiðis gætu þeir sem eru í sömu sporum og ég fengið að nota það rými á internetinu. Hér með auglýsi ég eftir starfskrafti í það verkefni,” segir Anna Tara. En hvað er næst hjá þessari umdeildu listakonu? „Ég hef ekki hugmynd. Ætli ég vilji ekki líka smá hvíld og gera aðeins heilalausari verkefni inn á milli en verkefni eins og þetta og Næs í rassinn þurfa oft mikinn tíma til að vera ræktuð til að ná á dýptina. Þannig þarf ég að vera í sjálfri mér lengi og smátt og smátt komast í annan heim því frumleikann finn ég bara inní sjálfri mér.” Horfa má á myndband Önnu Töru með því að smella á þennan hlekk. Við vörum viðkvæma við.
Mest lesið „Með því að vera með honum varð ég meira ég sjálf“ Lífið Nígeríusvindlarinn reyndist vera bróðir hans Lífið „Mig dreymir um lítið kríli“ Lífið Fréttatía vikunnar: Frambjóðendur, eldgos og bjór Lífið Arkitekt dýrasta húss Íslandssögunnar selur í Fossvogi Lífið „Það má segja að þetta sé í raun sorg og uppgjör“ Tónlist „Æskuheimilið hans er bara rústir“ Lífið Vítalía og Arnar Grant í kossaflensi Lífið Valgerður selur íbúðina í Vesturbænum Lífið Féllust í faðma á tilfinningaríkri stundu Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira