Gætu greitt upp öll lán á innan við fimm árum Hörður Ægisson skrifar 23. nóvember 2017 07:00 Hagfræðideildin spáir því að íbúðafjárfesting aukist um 28 prósent í ár og 20 prósent á næsta ári. vísir/pjetur Aðstæður til aukinnar fjárfestingar í íslensku atvinnulífi hafa líklega aldrei verið betri en nú. Eiginfjárhlutfall viðskiptahagkerfisins hefur ekki verið hærra frá því að mælingar hófust 2002 og þá hefur verulega dregið úr skuldsetningu á undanförnum árum. Það tæki fyrirtæki í atvinnulífinu að jafnaði minna en fimm ár að greiða upp allar langtímaskuldbindingar. Þetta kemur fram í Þjóðhag, ársriti hagfræðideildar Landsbankans, sem kom út í gær en samkvæmt nýrri þjóðhagsspá bankans mun atvinnuvegafjárfesting aukast um rúmlega átta prósent á þessu ári og því næsta. Árið 2020 er gert ráð fyrir að mesti fjárfestingarkúfurinn í núverandi uppsveiflu verði að baki og þá verði um tveggja prósenta samdráttur í atvinnuvegafjárfestingu. Á það er bent í umfjöllun hagfræðideildar að lykilþáttur í fjárfestingaákvörðunum margra fyrirtækja sé gengi krónunnar og væntingar um gengisþróun til lengri tíma. Þannig fari jafnan saman aukin fjárfesting og styrking krónunnar en raungengið hefur sjaldan verið hærra. Mjög stór hluti atvinnuvegafjárfestingar kemur erlendis frá í gegnum innflutning og því hefur gengisstyrking krónu að undanförnu gert fjárfestingu ódýrari í krónum talið.Sterkt gengi krónunnar, ásamt því að fjárhagsstaða fyrirtækja hefur tekið stakkaskiptum á síðustu árum, þýðir því að „jarðvegur til aukinnar fjárfestingar í atvinnulífinu hefur, á ýmsa mælikvarða, líklega aldrei verið jafn frjósamur og nú,“ segir í riti hagfræðideildarinnar. Þannig var eiginfjárhlutfall viðskiptahagkerfisins 42 prósent í árslok 2015 og hefur ekki áður mælst hærra. Hækkandi eiginfjárhlutfall má að töluverðu leyti skýra með lækkun skulda, einkum erlendra langtímalána. Þessi þróun, eins og útskýrt er í ritinu, hefur þýtt að mjög hefur dregið úr skuldsetningu rekstrar. Í lok 2016 var hlutfall langtímaskulda og hagnaðar fyrir fjármagnsliði, afskriftir og skatta (EBITDA) 4,7 en á þann mælikvarða tæki það undirliggjandi rekstur tæp fimm ár að greiða upp allar langtímaskuldbindingar. Er hlutfallið í dag með því lægsta sem verið hefur í fimmtán ár. „Á þennan mælikvarða má því ætla að undirliggjandi rekstur þoli meiri skuldsetningu og því sé umtalsvert rými til aukinnar fjárfestingar í atvinnulífinu,“ segir í ritinu. Hagfræðideildin telur að á næstu árum verði einnig aukinn kraftur í fjárfestingu hins opinbera. Spáir deildin því að hún aukist um níu prósent í ár og á næsta ári og síðan um fimmtán prósent á árunum 2019 og 2020. Er á það bent í ritinu að mikil umræða hefur verið um nauðsyn viðhalds og uppbyggingar ýmissa innviða. Þörfin á endurbótum sé jafn aðkallandi innan sveitarfélaganna og á vettvangi ríkisins. Opinber fjárfesting var að jafnaði 4 til 5 prósent af landsframleiðslu á tímabilinu 1998 til 2008 en á allra síðustu árum hefur þetta hlutfall lækkað mjög og verið um 3 prósent. Samkvæmt þjóðhagsspá hagfræðideildarinnar verður hlutfallið komið í 3,5 prósent 2020.Fréttin birtist fyrst í Fréttablaðinu. Birtist í Fréttablaðinu Mest lesið Reynslunni ríkari og opnar Wilson‘s Pizza á ný Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent Hefja viðræður um kaup á 47 þúsund fermetrum af atvinnuhúsnæði Viðskipti innlent Tekjuhæsti fyrsti ársfjórðungur í sögu Icelandair Viðskipti innlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Hættir sem fjármálastýra Ljósleiðarans Viðskipti innlent Ný kynslóð vélmenna vekur óhug Viðskipti erlent Fleiri fréttir Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Sjá meira
Aðstæður til aukinnar fjárfestingar í íslensku atvinnulífi hafa líklega aldrei verið betri en nú. Eiginfjárhlutfall viðskiptahagkerfisins hefur ekki verið hærra frá því að mælingar hófust 2002 og þá hefur verulega dregið úr skuldsetningu á undanförnum árum. Það tæki fyrirtæki í atvinnulífinu að jafnaði minna en fimm ár að greiða upp allar langtímaskuldbindingar. Þetta kemur fram í Þjóðhag, ársriti hagfræðideildar Landsbankans, sem kom út í gær en samkvæmt nýrri þjóðhagsspá bankans mun atvinnuvegafjárfesting aukast um rúmlega átta prósent á þessu ári og því næsta. Árið 2020 er gert ráð fyrir að mesti fjárfestingarkúfurinn í núverandi uppsveiflu verði að baki og þá verði um tveggja prósenta samdráttur í atvinnuvegafjárfestingu. Á það er bent í umfjöllun hagfræðideildar að lykilþáttur í fjárfestingaákvörðunum margra fyrirtækja sé gengi krónunnar og væntingar um gengisþróun til lengri tíma. Þannig fari jafnan saman aukin fjárfesting og styrking krónunnar en raungengið hefur sjaldan verið hærra. Mjög stór hluti atvinnuvegafjárfestingar kemur erlendis frá í gegnum innflutning og því hefur gengisstyrking krónu að undanförnu gert fjárfestingu ódýrari í krónum talið.Sterkt gengi krónunnar, ásamt því að fjárhagsstaða fyrirtækja hefur tekið stakkaskiptum á síðustu árum, þýðir því að „jarðvegur til aukinnar fjárfestingar í atvinnulífinu hefur, á ýmsa mælikvarða, líklega aldrei verið jafn frjósamur og nú,“ segir í riti hagfræðideildarinnar. Þannig var eiginfjárhlutfall viðskiptahagkerfisins 42 prósent í árslok 2015 og hefur ekki áður mælst hærra. Hækkandi eiginfjárhlutfall má að töluverðu leyti skýra með lækkun skulda, einkum erlendra langtímalána. Þessi þróun, eins og útskýrt er í ritinu, hefur þýtt að mjög hefur dregið úr skuldsetningu rekstrar. Í lok 2016 var hlutfall langtímaskulda og hagnaðar fyrir fjármagnsliði, afskriftir og skatta (EBITDA) 4,7 en á þann mælikvarða tæki það undirliggjandi rekstur tæp fimm ár að greiða upp allar langtímaskuldbindingar. Er hlutfallið í dag með því lægsta sem verið hefur í fimmtán ár. „Á þennan mælikvarða má því ætla að undirliggjandi rekstur þoli meiri skuldsetningu og því sé umtalsvert rými til aukinnar fjárfestingar í atvinnulífinu,“ segir í ritinu. Hagfræðideildin telur að á næstu árum verði einnig aukinn kraftur í fjárfestingu hins opinbera. Spáir deildin því að hún aukist um níu prósent í ár og á næsta ári og síðan um fimmtán prósent á árunum 2019 og 2020. Er á það bent í ritinu að mikil umræða hefur verið um nauðsyn viðhalds og uppbyggingar ýmissa innviða. Þörfin á endurbótum sé jafn aðkallandi innan sveitarfélaganna og á vettvangi ríkisins. Opinber fjárfesting var að jafnaði 4 til 5 prósent af landsframleiðslu á tímabilinu 1998 til 2008 en á allra síðustu árum hefur þetta hlutfall lækkað mjög og verið um 3 prósent. Samkvæmt þjóðhagsspá hagfræðideildarinnar verður hlutfallið komið í 3,5 prósent 2020.Fréttin birtist fyrst í Fréttablaðinu.
Birtist í Fréttablaðinu Mest lesið Reynslunni ríkari og opnar Wilson‘s Pizza á ný Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent Hefja viðræður um kaup á 47 þúsund fermetrum af atvinnuhúsnæði Viðskipti innlent Tekjuhæsti fyrsti ársfjórðungur í sögu Icelandair Viðskipti innlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Hættir sem fjármálastýra Ljósleiðarans Viðskipti innlent Ný kynslóð vélmenna vekur óhug Viðskipti erlent Fleiri fréttir Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Sjá meira