Viðskipti erlent

Rannsaka hvort Google safni upplýsingum um staðsetningu snjallsíma án vitneskju eigenda

Kjartan Kjartansson skrifar
Google segist ekki hafa vistað gögnin og auðkenni snjallsímanna fylgi ekki lengur staðsetningu þeirra.
Google segist ekki hafa vistað gögnin og auðkenni snjallsímanna fylgi ekki lengur staðsetningu þeirra. Vísir/AFP

Eftirlitsaðilar í Suður-Kóreu og Bretlandi kanna nú hvort að tæknirisinn Google safni upplýsingum um staðsetningu Android-snjallsíma jafnvel þó að slökkt sé á staðsetningarþjónustu þeirra. Google segir að gögnin hafi aðeins verið notuð til að bæta þjónustu fyrirtækisins.

Vefsíðan Quartz greindi fyrst frá því að Android-símar söfnuðu saman upplýsingum um heimilisföng við nærliggjandi símsenda. Gögnin hafi verið send Google í nærri því ár. Forsvarsmenn fyrirtækisins fullyrða að gögnin hafi aðeins verið notuð til að bæta tilkynningar og afhendingu skilaboða til notenda og að þau hafi ekki verið vistuð á netþjónum þess.

Engu að síður hefur persónuverndarstofnun Suður-Kóreu kallað fulltrúa Google á teppið til sín. Samkvæmt þarlendum lögum er fyrirtækjum skylt að gera viðskiptavinum sínum ljóst hvað þau gera við persónuupplýsingar þeirra, að því er kemur fram í frétt CNN.

Persónuverndaryfirvöld á Bretlandi eru sögð kanna málið sömuleiðis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
0,07
12
52.623
TM
0
1
15.150

Mesta lækkun dagsins


Félag
Br.%
Fjöldi
Velta*
REGINN
-2,06
5
38.300
SIMINN
-1,84
4
60.353
EIK
-1,73
5
75.545
SYN
-1,42
5
94.490
REITIR
-1,39
2
54.705
Velkomin á Vísi. Þessi vefur notar vafrakökur. Sjá nánar.