Sport

Líklega stysti blaðamannafundur sögunnar | Myndband

Henry Birgir Gunnarsson skrifar
Savage segir meira á þessari mynd en á fundinum í gær.
Savage segir meira á þessari mynd en á fundinum í gær. vísir/getty
Leikstjórnandi NFL-liðsins Houston Texans, Tom Savage, var maður fárra orða eftir leikinn gegn Baltimore Ravens síðastliðna nótt.

Hann labbaði inn í blaðamannafundarherbergið. Dró andann tvisvar upp í pontu og labbaði svo út aftur. Blaðamannafundur hans stóð því yfir í um þrjár sekúndur.

Er hann kom til að hitta blaðamenn voru fáir eftir í herberginu og enginn þeirra stökk til með spurningu á þessum skamma tíma. Savage nýtti tækifærið og stökk út.

Hann var líka ekki í neinu spariskapi eftir að hafa tapað leiknum þar sem hann gat ekki neitt og kastaði boltanum tvisvar sinnum frá sér.

NFL



Fleiri fréttir

Sjá meira


×