Formúla 1

Bottas: Ég vil frekar ræsa af ráspól en þriðji

Kristinn Ásgeir Gylfason skrifar
Sebastian Vettel, Valtteri Bottas og Kimi Raikkonen voru þrír hröðustu mennirnir í dag.
Sebastian Vettel, Valtteri Bottas og Kimi Raikkonen voru þrír hröðustu mennirnir í dag. Vísir/Getty

Valtteri Bottas náði sínum þriðja ráspól á ferlinum á Mercedes bílnum í dag. Hann nappaði ráspólnum af Sebastian Vettel á Ferrari undir lok tímatökunnar. Hver sagði hvað eftir tímatökuna?

„Mér líður vel. Þetta var afar góður hringur. Bilið var ekki mikið á milli okkar. Það er gott að ræsa af ráspól hér. Ég vil frekar ræsa af ráspól en að ræsa frá þriðja sæti. Það er ekkert sérstaklega auðvelt að taka fram úr hérna. Við vitum að ræsingin er alltaf spennandi hér,“ sagði Bottas.

„Þetta er allt í lagi fyrir morgundaginn. Ég hefði auðvitað vilja vera fremstur. Ég hefði getað bremsað seinna í lokatilrauninni inn í fyrstu beygju og hefði geta sparað meiri tíma þar en ég gugnaði eiginlega bara. ,“ sagði Vettel.

„Það var erfitt að koma dekkjunum í rétt hitastig til að þau virkuðu strax í upphafi hringsins en það var allt að koma. Við náðum að bæta bílinn frá því í gær. En veðrið gæti spilað stóra rullu á morgun og það gæti breyst hratt,“ sagði Kimi Raikkonen sem varð þriðji á Ferrari.

„Lewis er heppinn að heimsmeistarakeppnin er ráðin. Þetta var gott fyrir Valtteri. Hann þurfti á þessu að halda til að auka sjálfstraust sitt.,“ sagði Niki Lauda sem varð þrefaldur heimsmeistari í Formúlu 1 á sínum ferli.

Felipe Massa varð tíundi í síðustu tímatökunni á heimavelli. Vísir/Getty

„Þetta er það besta sem við gátum gert í dag. Renault var farið að anda ofan í hálsmálið á okkur og Fernando var afar góður í dag. Við bjuggumst við því að koma báðum bílum í þriðju lotu en Esteban [Ocon] var eiginlega bara óheppinn að missa af þriðju lotunni. Bilið i kringum 10. sætið var afar lítið,“ sagði Sergio Perez sem varð sjötti á Force India í dag.

„Ég er bara nokkuð sáttur við þetta. Venjulega myndi ég vænta þess að vera níundi eða tíundi en ég er sáttur með að ræsa í sjötta sæti á morgun með refsingu Riccardo. Ég held að við séum í nokkuð góðum málum núna. Við ætlum okkur að ná góðri ræsingu og vera með góða keppnisáætlun og tryggja góðan árangur á morgun,“ sagði Fernando Alonso, sem varð sjöundi á McLaren í dag.


Tengdar fréttir

Valtteri Bottas á ráspól í Brasilíu

Valtteri Bottas á Mercedes var fljótastur í dag og ræsir fremstur í brasilíska Formúlu 1 kappaksturinn á morgun. Sebastian Vettel á Ferrari varð annar og Kimi Raikkonen á Ferrari var þriðji.

Lewis Hamilton fljótastur á föstudegi í Brasilíu

Lewis Hamilton á Mercedes lét fjórða heimsmeistaratitilinn sem hann tryggði sér í síðustu keppni ekki aftra sér og var fljótastur á báðum æfingum dagsins fyrir brasilíska kappaksturinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira