Formúla 1

Bottas: Markmiðið var að vinna svo ég er vonsvikinn

Kristinn Ásgeir Gylfason skrifar
Sebastian Vettel fagnaði með því að frussa freyðivíni eftir keppnina.
Sebastian Vettel fagnaði með því að frussa freyðivíni eftir keppnina. Vísir/Getty

Sebastian Vettel vann brasilíska kappaksturinn. Það er í fyrsta skipti síðan 2008 sem Ferrari vinnur í Brasilíu. Hver sagði hvað eftir keppnina?

„Ræsingin var nokkuð góð og ég fékk tækifæri til að troða mér fram úr. Við vorum á fullu restina af keppninni við það að reyna að halda aftur af Valtteri [Bottas]. Það er gott að hafa báða bílana á verðlaunapallinum það er mikilvægt fyrir liðið,“ sagði Vettel.

„Okkar eina markmið var að vinna keppnina og ég er því vonsvikinn að það tókst ekki. Ég vil óska Lewis [Hamilton] til hamingju með frábæra endurkomu,“ sagði Valtteri Bottas sem varð annar á Mercedes.

„Ég var í vandræðum með jafnvægið á fyrri dekkjaganginum. Ég gat náð þeim sem voru á undan en það er ekki auðvelt að ná fram úr nema að munurinn sé enn meiri en raunverulega var,“ sagði Kimi Raikkonen sem varð þriðji á Ferrari.

„Ég er hrærður í dag vegna þeirra móttöku sem ég er að fá hérna. Ég er þakklátur fyrir að fá að klára með góðum árangri. Ég náði öllu út úr bílnum í dag. Það skiptir miklu máli. Ég vil þakka ykkur öllum fyrir, sérstaklega þeim sem ég vann með og líka þeim sem ég vann ekki með. Ég virði ykkur og elska,“ sagði Felipe Massa sem fékk sérstaka heiðursstund á verðlaunapallinum eftir keppnina.

„Ég held að þetta hafi alltaf búið í bílnum en við höfum þurft að glíma við utanaðkomandi atriði sem hafa valdið vandræðum. Það er gott veganesti í veturinn að enda á toppnum í dag. Við ætlum að njóta þess í dag,“ sagði Jock Clear, yfirverkfræðingur Ferrari. Þó er vert að athuga að ein keppni er eftir af tímabilinu eftir tvær vikur í Abú Dabí.

Felipe Massa var klökkur í viðtölum eftir keppnina. Vísir/GEtty

„Lewis gerði allt sem hann gat og þótt hann hafi ekki náð þriðja sætinu þá ók hann frábærlega. Valtteri átti annað sæti skilið í dag, Vettel var bara klókari,“ sagði Niki Lauda, þrefaldur heimsmeistari í Formúlu 1 og ráðgjafi Mercedes.

„Ég klúðraði málunum í gær og gerði mér daginn í dag talsvert erfiðari. Markmiðið í dag var einfaldlega bara að gera eins vel og ég gat. Ég finn það á svona dögum að ég er enn fullur af eldmóð og ég á nóg af keppnum eftir á mínum ferli, ég er ekki að fara neitt,“ sagði Lewis Hamilton sem varð fjórði í dag. Hann var valinn ökumaður dagsins af áhorfendum keppninnar. Hann er vel að því kominn enda sjaldgæft að menn nái að vinna sig upp um 16 sæti í keppni.

„Allt í botni hjá Hamilton. Við settum allt í botn í vélinni hjá honum. Það var hægt að heyra muninn á vélinni hjá honum. Bottas var góður í dag en gat bara ekki komist fram úr Vettel. Ég held að ef við tökum bara hraðann þá var Lewis fljótastur á brautinni í dag,“ sagði Toto Wolff, liðsstjóri Mercedes um atburði dagsins.


Tengdar fréttir

Sebastian Vettel vann í Brasilíu

Sebastian Vettel á Ferrari vann brasilíska kappasturinn í Formúlu 1. Valtteri Bottas á Mercedes varð annar og Kimi Raikkonen á Ferrari var þriðji.

Bottas: Ég vil frekar ræsa af ráspól en þriðji

Valtteri Bottas náði sínum þriðja ráspól á ferlinum á Mercedes bílnum í dag. Hann nappaði ráspólnum af Sebastian Vettel á Ferrari undir lok tímatökunnar. Hver sagði hvað eftir tímatökuna?



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.