Viðskipti innlent

Gefa út starfsleyfi fyrir kísilmálmverksmiðjunni á Bakka

Atli Ísleifsson skrifar
Starfsleyfið öðlast þegar gildi og gildir til 8. nóvember 2033.
Starfsleyfið öðlast þegar gildi og gildir til 8. nóvember 2033. Umhverfisstofnun

Umhverfisstofnun hefur gefið út starfsleyfi fyrir PCC BakkiSilicon hf til ársins 2033.

Í tilkynningu frá Umhverfisstofnun segir að fyrirtækið muni hefja framleiðslu á hrákísli í nýbyggðri verksmiðju á iðnaðarsvæðinu á Bakka í Norðurþingi þar sem til stendur að framleiða meira en 98,5 prósent hreinn kísill. Veitt er heimild til framleiðslu á allt að 66.000 tonnum á ári.

„Auglýsing á starfsleyfistillögu fór fram á tímabilinu 20. júlí til 15. september 2017. Auglýst var í Lögbirtingablaði og í Skránni á Húsavík auk tilkynningar á heimasíðu Umhverfisstofnunar. Haldinn var kynningarfundur um tillöguna 7. september 2017 í sal Framsýnar, skrifstofu stéttarfélaganna að Garðarsbraut 26, Húsavík.

Ein umsögn barst um tillöguna frá Landvernd. Umhverfisstofnun ákvað að bera einn lið umsagnarinnar undir Skipulagsstofnun sem fjallaði um meinta annmarka á áliti hennar. Þar var einkum fjallað um sjónarmið samtakanna um að tilteknum atriðum hafi verið sleppt í mati á umhverfisáhrifum. Í meginatriðum var svar Skipulagsstofnunar þess efnis að umfjöllun hennar hafi farið rétt fram samkvæmt lögum. Þá var umsögnin frá Landvernd send til fyrirtækisins sem ákvað að svara henni sérstaklega fyrir sitt leyti. Viðbrögð Umhverfisstofnunar við umsögninni koma hins vegar í heild fram í fylgiskjali 4 í starfsleyfinu.

Nokkur endurskoðun fór fram á ákvæðum starfsleyfisins  eftir auglýsingu tillögu eins og oft er raunin í sambandi við starfsleyfi Umhverfisstofnunar. Lagfæra þurfti ákvæði um úrgang og var þar fallist á sjónarmið í umsögn Landverndar að ein tilvísun í tillögunni gaf til kynna að afar mikið magn (2.500 tonn á ári) myndi geta myndast af spilliefnum. Þetta var galli á tillögunni sem hefur nú verið lagfærður. Umrædd 2.500 tonn á ári fyrir úrgang voru einnig ákvörðuð út frá sérstökum tilfellum sem gætu komið upp ef að erfitt yrði að selja aukaafurðir. Greinin er einkum hugsuð til að skylda rekstraraðila til að leysa slík vandamál komi þau upp, sem ekki er talið líklegt,“ segir í tilkynningunni

Starfsleyfið öðlast þegar gildi og gildir til 8. nóvember 2033, en ákvörðun Umhverfisstofnunar um útgáfu starfsleyfis er kæranleg til úrskurðarnefndar umhverfis- og auðlindamála.

Nánar er fjallað um málið á vef Umhverfisstofnunar.


Tengdar fréttir

Kísilverið á Bakka fær raforku á réttum tíma

Einstök heppni með veður á norðlenskum heiðum á stóran þátt í því að kísilverið á Bakka fær rafmagn frá Þeistareykjum á réttum tíma en lengi var tvísýnt um háspennulínur vegna kærumála.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
NYHR
1,1
1
10
ICEAIR
0
9
165.060

Mesta lækkun dagsins


Félag
Br.%
Fjöldi
Velta*
ICEAIR
0
9
165.060