Golf

Valdís Þóra í 3. sæti eftir frábæran fyrsta hring

Ingvi Þór Sæmundsson skrifar
Valdís Þóra er ríkjandi Íslandsmeistari í golfi.
Valdís Þóra er ríkjandi Íslandsmeistari í golfi. Vísir/Andri Marinó
Valdís Þóra Jónsdóttir er í 3.-11. sæti á Sanya Ladies Open-mótinu sem fer fram í Kína. Mótið er hluti af Evrópumótaröðinni í golfi og er það næstsíðasta á tímabilinu.

Valdís lék fyrsta hringinn á fjórum höggum undir pari. Skagakonan hóf leik á 10. holu.

Hún fékk par á fyrstu tveimur holunum og svo fjóra fugla og eitt par á næstu fimm holum. Valdís fékk skolla og svo níu pör í röð áður en hún endaði á fugli.

Valdís er aðeins einu höggi á eftir Celine Boutier og Wichanee Meechai sem eru efstar og jafnar á fimm höggum undir pari.

Íslandsmeistarinn 2017 þarf að ná góðum árangri á mótinu í Kína til að eiga möguleika á að tryggja sér keppnisrétt á LPGA-mótaröðinni á næsta ári. Hún er núna í 113. sæti á stigalistanum en 80 efstu fá endurnýjaðan keppnisrétt.


Tengdar fréttir

Valdís Þóra þarf að gefa í

Valdís Þóra Jónsdóttir endaði í 49.-51. sæti á Hero-mótinu á Indlandi um helgina. Mótið er hluti af LET, Evrópumótaröðinni í golfi.




Fleiri fréttir

Sjá meira


×