Rikard Wolff er látinn

Sænski leikarinn og tónlistarmaðurinn Rikard Wolff er látinn, 59 ára að aldri. Frá þessu greina sænskir fjölmiðlar sem vísa í Instagram-síðu listamannsins.

Wolff var einn ástsælasti leikari Svíþjóðar og sló í gegn í kvikmyndinni Änglagård frá árinu 1992. Þá ljáði hann þrjótnum Skara rödd sína í sænskri talsetningu Konungs ljónanna.

Auk langs leiklistarferils starfaði hann sem söngvari og tók meðal annars þátt í Melodifestivalen árið 2013 með lagið En förlorad sommar, en vinsælasta lag hans var lagið Pojken på månen frá árinu 1995.

Síðasta hlutverk hans var í jóladagatali sænska ríkissjónvarpsins sem hefst 1. desember næstkomandi.

Wolff hafði dvalið á sjúkrahúsi síðustu mánuði vegna veikinda í lungum. Hann lætur eftir sig tólf ára dóttur.

Að neðan má sjá Instagram-færsluna þar sem greint er frá fráfalli Wolff og myndband sem þýnir þegar hann flutti lagið Pojken i månen í sænskum skemmtiþætti síðasta sumar.

Idag har vår älskade Rikard lugnt och stilla lämnat oss efter en lång kamp. All kärlek till er alla

A post shared by Rikard Wolff (@rikardwolff) on Nov 17, 2017 at 5:30am PST

Idag har vår älskade Rikard lugnt och stilla lämnat oss efter en lång kamp. All kärlek till er alla

A post shared by Rikard Wolff (@rikardwolff) on Nov 17, 2017 at 5:30am PST