Lífið

Alltaf spennandi að vita hvað gerist

Hann Daníel Elí Johansen, sem er nýorðinn níu ára, sést sjaldan öðruvísi en með Syrpu í hönd.

Gunnþóra Gunnarsdóttir skrifar
Syrpur eru áhugaverðar, skemmtilegar og með fullt af góðum persónum, segir Daníel Elí. Vísir/Ernir
Hann Daníel Elí Johansen sem er alveg nýorðinn níu ára, gengur í Vesturbæjarskóla og finnst skemmtilegast að teikna. Á morgnana fær hann líka stundum að fara í tölvu að vinna í bók sem hann er að búa til. 

Klippa: Kompás - Lokuð á heimilinu með geðveikri móður


Hann sést sjaldan öðruvísi en með Syrpu í hendi og er sérfróður um lífið í Andabæ.  Því fær hann hér nokkrar spurningar sem tengjast því.

Timinn vel nýttur í lestur í röðinni að vatnsrennibrautargarði á Kanarí.Mynd/ID
Er einhver munur á Rip, Rap og Rup?

Það er dálítill munur á þeim útlitslega svo ég þekki þá í sundur án þess að þeir séu með derhúfurnar, en þeir eru mjög líkar persónur. Í einni sögu segir að Rip sé sérfræðingur í landakortum, en oftast gera þeir það sama.

Hvað borða persónurnar í Andabæ?

Pitsur, hamborgara og pulsur. Og kökur. Bara alveg eins og við.

Slakað á í garðinum á sólríkum sumardegi.Mynd/ID
Getum við lært eitthvað af Andrési önd?

Að það á að gefa börnum nammi á hrekkjavökunni. Í Andabæ eru líka allir vinir – en stundum ekki. Það er alltaf spennandi að vita hvað gerist, en ævintýrin enda vel.

Finnst þér Bjarnabófarnir slyngir?

Já. Þeir rændu rúmi Rokkafellis og Monu Lisu. Þeir hafa stolið demöntum og peningum og kórónum. En þeir eru alltaf handteknir á endanum.

Lestrarstund á snyrtingunni.Mynd/ID
Eru fleiri athyglisverðar persónur í Andabæ en Andrés, Andrésína, strákarnir og Jóakim, Mikki og Mína?

Guffi og Bubbi vinur hans eru skemmtilegir. Mikk og Makk, frændur Mikka, eru góðir vinir. Jónas er nágranni Andrésar og alltaf fúll. Stálöndin kemur til bjargar þegar Andrés bregður sér í hlutverk ofurhetju. Fiðri frændi hans og jafnaldri er mjög skrítinn og fyndinn, svolítið vitlaus. Gassi gæs er aðstoðarmaður Andreu, sem allir kalla ömmu önd, nema Jóakim. Þau eiga fullt af beljum, hænum og eina geit sem heitir Nonni.

......





×