Albert í banastuði í Hollandi

Unglingalandsliðsmaðurinn Albert Guðmundsson fór á kostum með PSV II í hollenska boltanum í kvöld.

Albert skoraði þá tvö mörk og lagði upp eitt í 3-2 sigri á RKC Waalwijk í næstefstu deild í Hollandi.

Albert lagði upp mark á 4. mínútu og skoraði svo úr víti á 12. mínútur. Hann innsiglaði svo sigurinn hálftíma fyrir leikslok.

Albert hefur verið að fá tækifæri með aðalliði PSV í vetur og þessi frammistaða mun klárlega hjálpa honum að fá enn frekari tækifæri.