Matur

Fullkomin kaka fyrir sunnudagsbaksturinn

Stefán Árni Pálsson skrifar
Eva kann þetta.
Eva kann þetta.

Stjörnukokkurinn Eva Laufey Kjaran Hermannsdóttir kann sitthvað fyrir sér í eldhúsinu og sýnir hún fylgjendum sínum hvernig eigi að matreiða ómótstæðilega döðluköku með karamellu á bloggsíðu sinni.

Hér að neðan má kynna sér málið en kakan er algjörlega fullkomin á þessum haustsunnudegi. 





Döðlukaka með karamellusósu

  • 5 msk sykur
  • 120 g smjör, við stofuhita
  • 2 egg
  • 100 g hveiti
  • 210 g döðlur
  • 1 tsk matarsódi
  • 1/2 tsk kanill
  • 1/2 salt
  • 1/2 vanillu extract, eða dropar
  • 1 1/2 tsk lyftiduft



    Aðferð:
  1. Hitið ofninn í 180°C og smyrjið hringlaga kökuform.
  2. Setjið döðlurnar í pott og látið vatn fljóta yfir, þegar vatnið nær suðu takið  pottinn af hitanum og látið hann standa í

    3 – 4 mínútur.
  3. Blandið matarsóda við döðlumaukið og blandið því vel saman. Leyfið blöndunni að standa í svolitla stund eða þar til blandan kólnar, hún má ekki far heit saman við smjörið (trúið mér – ég hef brennt mig á þeim mistökum nokkrum sinnum)
  4. Þeytið smjör og sykur saman þar til blandan verður létt og ljós, bætið einu og einu eggi saman við og þeytið í mínútu á milli.
  5. Setjið þurrefninsaman við ásamt vanillu. Þeytið í smá stund og bætið síðan döðlumaukinu saman við í þremur skömmtum.
  6.  Hellið deiginu í smurt form og bakið við 180°C í 35 – 40 mínútur.

    Heimsins besta karamellusósa
  • 120 g smjör
  • 1 1/2 dl rjómi
  • 120 g púðursykur
  1. Hitið öll hráefnin í potti þar til karamellan fer að sjóða, hrærið reglulega í pottinum eða þar til þið hafið náð ágætri þykkt á karamellunni.

    Berið kökuna fram með rjóma eða ís





Fleiri fréttir

Sjá meira


×