Veiði

Maðkurinn aftur leyfður í Leirvogsá

Karl Lúðvíksson skrifar
Maðkveiði verður leyfð í Leirvogsá næsta sumar með skilyrðum.
Maðkveiði verður leyfð í Leirvogsá næsta sumar með skilyrðum. Mynd: Lax-Á

Á liðnu tímabili var gerð sú breyting á veiðireglum í Leirvogsá að eingöngu fluga var leyfð sem agn en það verða breytingar á þessum reglum fyrir næsta veiðisumar.

Það voru margir sem fögnuðu þessum breytingum enda þótti mörgum nóg um þá veiði og þann fjölda laxa sem var tekinn úr ánni á hverju tímabili, þá sérstaklega í byrjun þess, á maðk og það gerði það að verkum að þeir sem veiða eingöngu á flugu sóttu lítið í ánna. Með því að fara aftur með maðkinn í ánna er verið að mæta þeim hóp sem vill nota maðk með flugu sem er ágætis framtak enda verður þessi veiði með skilyrðum háð.

Í frétt frá leigutakanum Lax-Á er tekið fram að á næsta sumri verður maðkur leyfður frá ósi að og með Birgishyl og frá og með Skeggjastaðagrjótum og að og með Tröllafossi til og með 20.08. Eingöngu fluga er leyfð allt sumarið á miðsvæði frá og með Helguhyl að og með Efri Skrauta. Eingöngu fluga í allri ánni frá og með 21.08. Kvóti er sex laxar á stöng á dag, eftir að kvóta er náð má veiða og sleppa á flugu.  Þessi breyting á líklega eftir að mælast vel fyrir hjá Þeim sem sóttu mikið í ánna þegar maðkur var leyfður og með þessum skilyrðum á stöðum sem má veiða með maðki samhliða kvóta upp á 6 laxa geta fluguveiðimenn og maðkveiðimenn veitt ánna í bróðerni.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.