Bílar

Fiat og Alfa Romeo bílasýning

Finnur Thorlacius skrifar
Krúttbomban Fiat 500.
Krúttbomban Fiat 500.

Íslensk-Bandaríska heldur Fiat og Alfa Romeo bílasýningu laugardaginn 14. október í sýningarsal fyrirtækisins að Þverholti 6, Mosfellsbæ. Á sýningunni verða sýndir verða nýjustu Fiat Tipo bílarnir í hatchback og station útgáfu.  Fjórhjóladrifnir Fiat Panda Cross og Fiat 500X og síðast en ekki síst hinn goðsagnakenndi Fiat 500.

Fiat Professional atvinnubílarnir Fiat Fiorino, Fiat Doblo og Fiat Ducato verða líka sýndir. Allir þeir sem kaupa eða panta nýjan Fiat í október mánuði fá vetrarpakka í kaupauka sem innifelur, vetrardekk, gúmmímottur og þjónustuskoðun í 2 ár. Fiat fólks- og atvinnubílar eru allir með 5 ára ábyrgð.

Samhliða Fiat sýningunni mun Íslensk-Bandaríska sýna sport- og lúxusjeppann Stelvio frá Alfa Romeo. Stórglæsilegur og mjög vel útbúinn bíll, með einstaka og sportlega aksturseginleika,  sem ávallt hefur verið einkenni Alfa Romeo bíla. Á dögunum setti Stelvio hraðamet á þýsku Nürburgring kappakstursbrautinni og er hann þar með orðinn hraðskreiðasti fjöldaframleiddi jeppinn.

Stelvio er boðinn með 5 ára ábyrgð. Sýning er opin frá kl. 12-16 og verður boðið upp á ítalskt Lavazza eðalkaffi, Egils Appelsín og kúluís frá ísbúðinni Valdísi. Á meðan sýningunni stendur verður skallatenniskeppni Fiat og Áttunar FM á útisvæði. Í stað hefðbundins nets sem notað er í skallatennis, munu keppendur skalla yfir Fiat 500 bíl. Veglegir vinningar eru í boði fyrir sigurvegara og er öllum heimil þátttaka í keppninni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira