Lífið

Zara þakkar tónleikargestum fyrir að hafa sýnt ást

Atli Ísleifsson skrifar
Zara Larsson í Höllinni.
Zara Larsson í Höllinni.
Sænska söngkonan Zara Larsson birti mynd á Instagram í nótt þar sem sjá má hana og aðra listamenn sem voru með henni á sviðinu í Laugardalshöllinni. Í bakgrunni má svo sjá mikinn fjölda þeirra sem sóttu tónleika hennar í gærkvöldi.

„Reykjavík. Takk kærlega fyrir að hafa mætt og sýnt ást. Við sáum meira að segja norðurljósin!“ segir Zara og hnykkir svo á því að næstu tónleikar hennar verði haldnir í Belfast á Norður-Írlandi á sunnudag. Segist hún vonast til að sjá sem flesta þar.

Söngkonan hóf tónleikana í gær á því að flytja lagið Never Forget You, en myndband lagsins var einmitt tekið upp hér á landi. Fyrir tónleikana skellti Zara sér ásamt vinkonum sínum í Bláa lónið líkt og Vísir greindi frá í gær.

Sjá má Instagram-færslu Zöru að neðan.


Tengdar fréttir






Fleiri fréttir

Sjá meira


×