Innlent

Slagsmál um borð í vél á leið til Denver

Atli Ísleifsson skrifar
Konan hélt áfram ólátunum eftir að komið var inn í flugstöðina. Myndin tengist fréttinni ekki beint.
Konan hélt áfram ólátunum eftir að komið var inn í flugstöðina. Myndin tengist fréttinni ekki beint. Vísir/Vilhelm
Lögreglunni á Suðurnesjum var í vikunni tilkynnt um slagsmál um borð í flugvél á Keflavíkurflugvelli sem átti að fljúga til bandarísku borgarinnar Denver.

Í tilkynningu frá lögreglu segir að þar hafi reynst vera á ferðinni par sem hafði komið með flugi frá París og einnig látið öllum illum látum um borð í þeirri vél.

„Óskaði flugstjóri fyrrnefndu vélarinnar eftir því að lögregla fjarlægði skötuhjúin úr vélinni sem var gert. Konan hélt áfram ólátunum eftir að komið var inn í flugstöðina og var hún því handtekin vegna ölvunarástands og flutt á lögreglustöð. Þar var hún látin sofa úr sér og síðan tekin af henni skýrsla áður en hún var frjáls ferða sinna,“ segir í tilkynningunni.

Þá þurfti lögregla einnig að fjarlægja tvo karlmenn, er hugðust ferðast með flugi til Vilnius í Litháen vegna mikillar ölvunar.




Fleiri fréttir

Sjá meira


×