Innlent

Ógnuðu öryggisverði með skotvopni

Samúel Karl Ólason skrifar
Tveir karlar og tvær konur voru svo handtekin þegar sérsveitin stöðvaði þau.
Tveir karlar og tvær konur voru svo handtekin þegar sérsveitin stöðvaði þau. Vísir/Pjetur
Fjórir voru handteknir á níunda tímanum eftir að öryggisverði var ógnað með skotvopni fyrr í kvöld. Atvikið átti sér stað í verslun á höfuðborgarsvæðinu um kvöldmatarleytið samkvæmt tilkynningu frá lögreglu. Einn maður mun hafa hótað öryggisverðinum og farið á brott í bíl með þremur öðrum.

Tveir karlar og tvær konur voru svo handtekin þegar sérsveitin stöðvaði þau á leið austur fyrir fjall.

Samkvæmt tilkynningunni hafa fjórmenningarnir ekki verið yfirheyrðir og er rannsókn málsins á frumstigi. Ekki sé hægt að veita frekari upplýsingar að svo stöddu.




Fleiri fréttir

Sjá meira


×