Erlent

Áhrifamikil blaðakona myrt á Möltu

Samúel Karl Ólason skrifar
Galizia mun hafa farið til lögreglunnar fyrir um tveimur vikum vegna morðhótana sem henni höfðu borist.
Galizia mun hafa farið til lögreglunnar fyrir um tveimur vikum vegna morðhótana sem henni höfðu borist. Vísir/AFP
Blaðakonan sem leiddi Panamaskjala-rannsóknina á Möltu var myrt með bílsprengju í dag. Daphne Caruana Galizia hafði nýverið yfirgefið heimili hennar þegar bíll hennar sprakk í loft upp. Nýverið hafði Galizia sakað forsætisráðherra Möltu um spillingu.

Joseph Muscat, forsætisráðherra, fordæmdi þó morðið og sagði það beinast gegn málfrelsi í landinu. Hann sagðist ekki ætla að hvílast fyrr en þeir seku væru fundnir.



Galizia hélt úti og skrifaði á gífurlega vinsæla síðu. Guardian segir hana iðulega hafa fengið fleiri heimsóknir á síðu sína en sem samsvarar samanlögðum fjölda þeirra sem lesa dagblöð á Möltu. Þar segir einnig að skrif hennar hafi verið bæði embættismönnum og glæpamönnum til trafala.



Enginn hefur lýst yfir ábyrgð á morðinu. Þá hefur Muscat kallað eftir aðstoð frá Alríkislögreglu Bandaríkjanna og munu útsendarar stofnunarinnar vera á leið til Möltu.

Galizia mun hafa farið til lögreglunnar fyrir um tveimur vikum vegna morðhótana sem henni höfðu borist. 




Fleiri fréttir

Sjá meira


×