Formúla 1

Red Bull flýtir þróun bíl næsta árs

Kristinn Ásgeir Gylfason skrifar
Daniel Ricciardo vill hefja næsta tímabil á góðum bíl.
Daniel Ricciardo vill hefja næsta tímabil á góðum bíl. Vísir/Getty
Red Bull liðið ætlar að flýta þróun bílsins fyrir næsta ár til að koma í veg fyrir dræma byrjun á tímabilinu, samkvæmt Daniel Ricciardo ökumanni liðsins.

Undanfarin ár hefur Red Bull liðið beðið fram á síðustu stundu með að ljúka hönnun bílsins til að hafa sem lengstan tíma til að ljúka hönnuninni.

Það hefur verið saga undanfarinna ára að Red Bull liðið byrjar skrefi á eftir öðrum en vinnur á þegar líður á tímabilið.

Liðið telur sig hafa besta bílinn í Formúlu 1 í augnablikinu en skorta afl til að geta verið á toppnum í öllum keppnum. Þróun bílsins hefur einungis farið að skila raunverulegum árangri á seinnihluta tímabilsins. Það hefur reynst of seint til að eiga möguleika á að keppa um titla.

„Mér finnst við vera að byrja tímabilin hægari en aðrir undanfarið, að minnsta kosti síðan ég byrjaði að keyra fyrir liðið. Ég tel það ekki viljandi gert,“ sagði Ricciardo.

„Ég veit ekki alveg afhverju. Við styrkjumst eftir því sem líður á, það er góð þróun en við viljum endilega byrja tímabilin með sterkari hætti,“ sagði Ricciardo.

„Ég veit að á næsta ári munum við flýta ferlinu miðað við þetta ár. Hugmyndin er að læra af þessu tímabili, það eru ekki miklar breytingar fyrir næsta tímabil og við getum vonandi haldið þróuninni áfram á næsta ári,“ sagði Ricciardo.


Tengdar fréttir

Kubica klárar próf hjá Williams

Robert Kubica hefur lokið annarri prófraun sinni hjá Williams liðinu þar sem hæfni hans til að aka Formúlu 1 bíl er metin.

Brendon Hartley mun fylla autt sæti hjá Toro Rosso

Brendon Hartley, fyrrum ökumaður í uppeldisakademíu Red Bull liðsins mun taka sæti Carlos Sainz í bandaríska kappakstrinum. Hann mun aka við hlið Daniil Kvyat sem snýr aftur í fjarveru Pierre Gasly.




Fleiri fréttir

Sjá meira


×