Íslenski boltinn

Íslandsmeistarar Þór/KA uppteknar við vörutalningu í vikunni

Óskar Ófeigur Jónsson skrifar
Sandra Stephany Mayor, Bianca Elissa Sierra og Anna Rakel Pétursdóttir.
Sandra Stephany Mayor, Bianca Elissa Sierra og Anna Rakel Pétursdóttir. Mynd/Twitter/@sandrajessen7
Það er nóg að gera hjá Þór/KA stelpunum þrátt fyrir að þær hafi klárað Íslandsmótið með glæsibrag fyrir helgi og ættu að vera komnar í frí.

Þór/KA liðið varð Íslandsmeistari eftir 2-0 sigur á FH í lokaumferð Pepsi-deildarinnar á fimmtudaginn. Þetta er aðeins annar Íslandsmeistaratitill Þór/KA í sögunni.

Fyrirliðinn Sandra María Jessen segir frá því á Twitter að stelpurnar í Þór/KA liðinu séu uppteknar við fjáröflun í þessari viku.

Stelpurnar eru ekkert orðnar of góðar með sig þrátt fyrir frábæra frammistöðu í sumar og að þær séu örugglega vinsælustu konur bæjarins í dag.



Sandra María birti mynd af þeim Söndru Stephany Mayor,  Biöncu Elissa Sierra og Önnu Rakel Pétursdóttur í vörutalningu í ónefndri búð á Akureyri.

„Íslandsmeistarar á fimmtudaginn, vörutalning í dag og þrjár aðrar í vikunni,“ skrifaði Sandra María Jessen á Twitter.

Sandra María Jessen skoraði einmitt fyrra mark Þór/KA í leiknum mikilvæga á móti FH eftir stoðsendingu frá Önnu Rakel Pétursdóttur og Sandra Stephany Mayor skoraði seinna markið eftir einleik.


Tengdar fréttir

Donni: Ólýsanleg tilfinning

Íslandsmeistaratitillinn fór á loft á Akureyri eftir 2-0 sigur Þórs/KA á FH í dag




Fleiri fréttir

Sjá meira


×