Bílar

Aukinn straumur ferðamanna kallaði á nýja stöð

Finnur Thorlacius skrifar
Jökull og Auður Ingvarsbörn afhentu Steinari Sigtryggssyni, útibússtjóra Olís á Suðurnesjum, lykil sem Auður perlaði í tilefni opnunar ÓB stöðvarinnar. Þau sjást hér ásamt Jóni Ólafi Halldórssyni, forstjóra Olís.
Jökull og Auður Ingvarsbörn afhentu Steinari Sigtryggssyni, útibússtjóra Olís á Suðurnesjum, lykil sem Auður perlaði í tilefni opnunar ÓB stöðvarinnar. Þau sjást hér ásamt Jóni Ólafi Halldórssyni, forstjóra Olís.

Olíuverzlun Íslands opnaði í dag nýja ÓB stöð við Aðalgötu 62 í Reykjanesbæ við skemmtilega athöfn. Jökull og Auður Ingvarsbörn afhentu Steinari Sigtryggssyni, útibússtjóra Olís á Suðurnesjum, lykil sem Auður perlaði í tilefni opnunar ÓB stöðvarinnar. Nýja stöðin er sjálfsafgreiðslustöð sem býður upp á gott og einfalt aðgengi að eldsneytissjálfsölum.

,,Það er sérlega ánægjulegt að opna þessa nýju og flottu ÓB stöð í hjarta Reykjanesbæjar á 90 ára afmæli Olíuverzlunar Íslands. Með auknum straumi ferðamanna til landsins hefur þörfin aukist fyrir nýja stöð í Reykjanesbæ. Við erum með opnun þessarar stöðvar að auka mjög þjónustu við ferðamenn, sem margir aka um á bílaleigubílum, en ekki síður við íbúa á svæðinu og alla þá heimamenn sem starfa við ferðaþjónustu á Keflavíkursvæðinu og þá sérstaklega í Leifsstöð.

Markmiðið ÓB er að fjölga valkostum í eldsneytissölu á Íslandi en jafnframt að koma til móts við óskir viðskiptavina sem gjarnan vilja dæla sjálfir gegn lægra verði. Við leggjum áherslu á að stöðvarnar séu bjartar og snyrtilegar, að aðgengi að þeim sé gott og sjálfsalar einfaldir í notkun," segir Jón Ólafur Halldórsson, forstjóri Olís.

Fyrsta sjálfsafgreiðslustöð ÓB var opnuð við Fjarðarkaup í Hafnarfirði árið 1996. Með nýju stöðinni á Aðalgötu er fjöldi ÓB stöðva nú 37 talsins nú víðs vegar um landið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira