Glamour

Brot af því besta frá GUCCI

Ritstjórn skrifar
Glamour/Getty
Sumarlína Gucci fyrir næsta sumar, 2018 var sýnd fyrr í dag. Vinsældir Gucci hafa aukist rosalega með árunum og er þetta vinsælasta fatamerkið í heiminum í dag. Alessandro Michele er listrænn stjórnandi merkisins og hefur velgengni tískuhússins vaxið gríðarlega eftir að hann tók við keflinu. 

Eins og við var að búast er mikið um litir og munstur, og er þessi lína rosalega fjölbreytt. Alessandro er augljóslega undir áhrifum frá níunda áratuginum, því það er meira um diskó og samfestinga í þessari línu heldur en hans fyrri. Einnig má sjá nokkur þjóðleg áhrif koma fram. 

Íþróttafatnaðurinn er ekki langt undan og er hann ekki að fara að detta út úr tískuheiminum á næstunni. 

Nokkrar lykilflíkur koma þarna fram sem við efumst ekki um að verði vinsælar. Jakkarnir með loðinu á ermunum öskra á okkur, sem og hlébarðakápan. Fylgihlutirnir voru á sínum stað, en Gucci töskur og belti hafa verið vinsælustu fylgihlutirnir síðustu ár. 






×