Veiði

74 birtingar á land á þremur dögum

Karl Lúðvíksson skrifar
Gunnar Óskarsson með 11 punda sjóbirting úr Geirlandsá.
Gunnar Óskarsson með 11 punda sjóbirting úr Geirlandsá. Mynd: www.svfk.is

Sjóbirtingsveiðin er að komast á fullt þessa dagana og veiðifréttir af sjóbirtingsslóðum eru góðar.

Það er óhætt að segja að það sé góður gangur í Geirlandsá en samkvæmt fréttum af vef leigutakans, Stangaveiðifélags Keflavíkur, var veiðin í síðustu viku ansi góð.  Þar kom þriggja daga mokveiði þegar 74 sjóbirtingum var landað á aðeins þremur dögum.  Það sem hefur kippt veiðinni í gang er þetta vatnsveður sem hefur gengið yfir landið en það gerir það að verkum að þá hækkar vel í ánum og við það gengur sjóbirtingurinn af miklum krafti upp í þær.

Holl sem var við veiðar 18-20. sept gekk líka mjög vel en hollið landaði 32 fiskum og sá stærsti var 84 sm sjóbirtingur sem veiddist í Ármótum á fluguna Frigga. Hollið sem tók svo við af þeim var búið að landa 42 birtingum eftir tvær vaktir og missa helling.  Langmest er af 4-6 punda fiski og stærst 10 pund. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.