Rokkar rakaðan kollinn

25. september 2017
skrifar

Leikkonan Kate Hudson hefur látið ljósu lokkana fjúka og frumsýndi á dögunum rakaðan kollinn á rauða dreglinum. 

Breytingin ku vera vegna hlutverks sem Hudson fer með í nýrri kvikmynd sem poppstjarnan SIA er að leikstýra. Það fer Hudson heldur betur vel að vera án hársins og við getum ekki betur séð en að leikkonan geti enn frekar leikið sér með stíliseringu í klæðaburði?

Hudson er ekki fyrsta leikkonan sem þarf að fórna hárinu fyrir hlutverk á hvíta tjaldinu. Í næsta tölublaði Glamour er einmitt umfjöllun um það að raka af sér hárið og tölum við nokkra vel valda einstaklinga sem hafa látið lokkana fjúka en blaðið kemur út í vikunni. 







Með ljósu lokkana á rauða dreglinum í maí á þessu ári.