Veiði

Forsalan á veiðileyfum komin í fullann gang

Karl Lúðvíksson skrifar
Veiðimenn landsins eru þegar farnir að bóka fyrir næsta sumar.
Veiðimenn landsins eru þegar farnir að bóka fyrir næsta sumar. Mynd úr safni

Í dag miðvikudag detta inn fleiri lokatölur úr laxveiðiánum og eru síðustu árnar að klára veiðina í vikunni.

Það er að vísu veitt í ánum sem er haldið uppi með seiðasleppingum langt inn í október svo það verður ennþá fréttaflutningur af veiðitölum úr þeim ám fram til síðasta dags.  Þrátt fyrir að sumrinu sé nýlokið er sala á veiðileyfum fyrir næsta sumar í fullum gangi og það er mikil eftirspurn eftir veiðileyfum og útlit fyrir að salan verði meiri en hún var fyrir yfirstandandi sumar hjá flestum leigutökum.

Stangaveiðifélag Reykjavíkur er ásamt öðrum leigutökum búið að opna fyrir forsölu á veiðileyfum og þau leyfi sem meðal annars eru í forsölu eru auglýst á vefsíðu félagsins en þar má finna daga í Laxá í Laxárdal, Laxá í Mývatnssveit, Langá fyrir tímabilið 26. júní – 19. september, Hítará – 30. júní – 27. ágúst og Haukadalsá – 30. júní – 1. september.  Það varð, sem áður hefur verið greint frá, nokkur fækkun meðal erlendra veiðimanna í sumar og þá sérstaklega frá Bretlandi en ef gengið á pundinu gagnvart krónunni styrkist eitthvað að ráði má reikna með að sá hópur mæti í meiri mæli að ári.






Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.