Golf

Gullörninn: Vippið sem færði Ólafíu 6,5 milljónir

Eiríkur Stefán Ásgeirsson skrifar
Ólafía Þórunn Kristinsdóttir.
Ólafía Þórunn Kristinsdóttir. Vísir/Getty

Örninn sem Ólafía Þórunn Kristinsdóttir fékk á átjándu holu lokadags Indy Women In Tech-mótinu í Indiana um helgina var afar mikils virði.

Ólafía lék átjándu holuna á erni eftir að hafa vippað ofan í rétt utan flatar, eins og sést í myndbandinu hér fyrir neðan. Örninn þýddi að Ólafía kláraði mótið á þrettán höggum undir pari í fjórða sæti sem er hennar langbesti árangur á LPGA-mótaröðinni.

Sjá einnig: Ólafía Þórunn: Reyndi að gera hlutina einfalt og halda mér í núinu

Hún hefði hafnað í 10.-11. sæti mótsins hefði hún spilað átjándu holuna á pari sem hefði fært henni um 40 þúsund dollara í verðlaunafé, en Ólafía fékk tæpar 103 þúsund dollara fyrir fjórða sætið, tæpar 11 milljónir króna. Er það um 6,5 milljónum meira en hún hefði fengið fyrir að lenda í 10.-11. sæti.

En það sem enn meira máli skiptir er að árangurinn fleytti henni upp í 67. sæti peningalistans. Hefði hún fengið 40 þúsund dollara væri hún nú í 91. sæti listans.

Efstu 100 kylfingarnir á peningalistanum endurnýja þátttökurétt sinn á LPGA-mótaröðinni en efstu 80 komast í efsta flokk í forgangsröðun kylfinga á tímabilinu og því eftir miklu að sækjast að vera í þeim hópi.

Sjá einnig: Ólafía fékk rúmar 10 milljónir | Komin í 67. sæti peningalistans

Örninn hennar Ólafíu var því gríðarlega mikils virði, ekki aðeins peninganna vegna heldur einnig vegna stöðu hennar á listanum sem öllu ræður um þátttöku kylfinga á mótaröð næsta tímabils.

Höggið hennar Ólafíu má sjá hér fyrir neðan.


Tengdar fréttir

Örn á lokaholunni skaut Ólafíu upp í þriðja sætið

Ólafía Þórunn Kristinsdóttir, kylfingur úr GR, kom í hús á fjórum höggum undir pari á hringnum og alls ellefu höggum undir pari á lokadegi Indy Women in Tech-mótsins í Indianapolis sem lauk rétt í þessu.

Ólafía Þórunn ein í fjórða sæti í Indianapolis

Ólafía Þórunn Kristinsdóttir, kylfingur úr GR, lauk leik í fjórða sæti á Indy Women in Tech-mótsins í Indianapolis sem lauk rétt í þessu með sigri Lexi Thompson en örn Ólafíu á lokaholunni kom henni úr tíunda sæti í það fjórða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira