Enski boltinn

Ederson byrjaður að æfa með hjálm

Eiríkur Stefán Ásgeirsson skrifar
Ederson þurfti að fá mikla aðhlynningu eftir atvikið á laugardag.
Ederson þurfti að fá mikla aðhlynningu eftir atvikið á laugardag. Vísir/Getty

Ederson, markvörður Manchester City, mætti á æfingu í dag en hann fékk þungt högg í andlit í leik liðsins gegn Liverpool á laugardag.

Sauma þurfti átta spor í kinn Brasilíumannsins en skurðinn fékk hann eftir að hafa fengið takkana undan skó Sadio Mane, leikmanni Liverpool, í sig. Mane fékk að líta rauða spjaldið fyrir.

Manchester City mætir Feyenoord í Meistaradeild Evrópu á miðvikudagskvöldið og er óvíst hvort að Ederson verði klár í slaginn. Hann æfði með hjálm líkt og þeim sem Petr Cech hefur notað um árabil.

Ef að Ederson spilar ekki á miðvikudag mun Claudio Bravo standa vaktina í marki City í hans stað.


Tengdar fréttir

Sjáðu áverka Ederson | Mynd

Markmaður Manchester City, Ederson, skartar vígalegu sári á andliti eftir samstuð hans og Sadio Mane, leikmanns Liverpool, í leik liðanna um helgina.

Tíu leikmenn Liverpool flengdir á Etihad

Liverpool fékk stóran skell í 0-5 tapi gegn Manchester City á Etihad-vellinum í dag en eftir rautt spjald á Sadio Mane undir lok fyrri hálfleiksins var greinilegt í hvað stefndi og keyrðu heimamenn yfir þá rauðklæddu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira