Lífið

Hvar er best að búa? Gætu framfleytt 5 manna fjölskyldu á Kanarí fyrir leigu á húsinu heima

Stefán Árni Pálsson skrifar

„Við vorum að leita að landi þar sem strákarnir gætu lært þriðja tungumálið. Það varð helst að vera innan Evrópu. Við vorum fyrst að skoða Spán en þar getur orðið kalt á veturna, svo Siggi sagði: Af hverju ekki Kanarí?,” segir Hulda I. Magnúsdóttir sem flutti ásamt eiginmanni sínum Sigurði Páli Sigurðssyni og sonum þeirra þremur til Kanarí í lok ágúst 2015.

Hulda, Siggi og synirnir þrír eru meðal þeirra Íslendinga sem rætt er við í þáttaröð Lóu Pind Hvar er best að búa? Áður en þau fluttu út, vann Hulda sem deildarstjóri á leikskóla og Siggi starfaði við ýmisleg, var meðal annars kennari og smiður. En hvernig geta íslensk millistéttarhjón framfleytt stórri fjölskyldu á Kanarí, án þess að vinna?

„Með því einu að leigja út húsið okkar heima, þá gætum við borgað leigu og keypt í matinn fyrir fjölskylduna hér á Kanarí, en þá værum við ekki að leyfa okkur neitt umfram það,” segir Sigurður.

Þau leyfa sér hins vegar ýmislegt fleira sem nánar verður fjallað um í þessum lokaþætti af Hvar er best að búa?. Þátturinn verður á dagskrá Stöðvar 2 í kvöld kl. 20.

Umsjón og framleiðsla þáttanna er í höndum Lóu Pind Aldísardóttur, myndatökumenn eru Egill Aðalsteinsson og Friðrik Friðriksson, klippingu annast Ómar Daði Kristjánsson.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira