Lífið

Dómsmál gegn Secret Solstice tekið fyrir

Benedikt Bóas skrifar
Hátíðin hefur verið vel heppnuð og þessi unga tónlistarhátíð vekur athygli út fyrir landsteinana.
Hátíðin hefur verið vel heppnuð og þessi unga tónlistarhátíð vekur athygli út fyrir landsteinana. vísir/andri marinó

„Þetta snýst um ágreining um uppgjör á reikningum. Þetta er reikningur sem ég hef ekki fengið greiddan en reynt að fá og það hefur ekki tekist. Þess vegna fór þetta þessa leið,“ segir athafnamaðurinn Þorsteinn Stephensen en í dag verður fyrirtaka í máli hans gegn tónlistar­hátíðinni Secret Solstice.

Hátíðin var haldin í fyrsta sinn árið 2014 og hefur stækkað mikið síðan. Aðalnúmerið á fyrstu hátíðinni var Massive Attack og dönsuðu um sjö til átta þúsund manns undir tónum hljómsveitarinnar. Í ár var rokkrisinn Foo Fighters aðalnúmerið og var talið að um 15 þúsund manns hafi hlustað á rokkarana slá taktinn í Laugardal.

„Þetta er ekki flókið mál í rauninni,“ segir Þorsteinn en þegar Fréttablaðið sló á þráðinn til hans var hann á leið til fundar með lögfræðingi sínum.

Friðrik Ólafsson, einn af forsvarsmönnum hátíðarinnar, vildi gera lítið úr málinu og bjóst jafnvel við að það yrði klárað utan dómstólanna í gær. „Þetta er einhver ágreiningur okkar á milli. Þessu verður kastað út býst ég við. Þetta er búið að vera í gangi í einhvern tíma og er í raun eldgamalt. Þetta er að hverfa núna og þetta fer ekki neitt. Þetta er bara þessi tónleikaheimur. Kannski hefur hann búið of lengi í útlöndum og þekkir ekki inn á þennan íslenska heim,“ sagði hann án þess að útskýra það neitt frekar. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira