Veiði

Síðasti séns í Þingvallavatni

Karl Lúðvíksson skrifar
Flottur urriði sem Cezary veiddi í gærkböldi.
Flottur urriði sem Cezary veiddi í gærkböldi. Mynd: Veiðikortið

Vötnin hafa mörg hver lokað fyrir veiði en síðasti séns er núna næstu daga í þau sem ennþá eru opin.

Þar á meðal er Þingvallavatn en þar má oft gera mjög skemmtilega veiði á þessum tíma þó það sé aldrei neitt mok.  Bleikjan er í hrygningu og lítið spennandi matfiskur en það er engu að síður þrælgaman að eiga við hana.  Síðan má kannski nefna að þetta er oft ágætur tími til að reyna við stóru urriðana sem eru farnir að sýna sig aftur á grynningunum og það oft með látum þegar þeir elta murtur mjög nálægt landi.

Cezary Fijalkowski náði einum stórurriða í gærkvöldi en þessi flotti urriði var 98 sm langur og mældur um 24 pund.  Ljósaskiptin á morgnana og kvöldin er besti tíminn til að sjá þessa höfðingja og reyna ná þeim og það sem hefur verið að virka best er að nota straumflugur sem eru ýmist strippaðar hratt eða veiddar djúpt og hægt.  Veiðin í vatninu í sumar var annars ágæt þó hún hafi farið seint af stað en nú tekur vetur við og veiðimenn fjölmenna aftur á bakka Þingvallavatns næsta vor.


 
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira