Viðskipti erlent

Allt það sem Apple kynnti til leiks í gær

Tryggvi Páll Tryggvason skrifar
Hér má sjá iPhone X við hliðina á iPhone 8 og 8 plus
Hér má sjá iPhone X við hliðina á iPhone 8 og 8 plus Mynd/Apple

Bandaríski tæknirisinn Apple kynnti til leiks nýjar vörur á sérstökum viðburði í Steve Jobs höllinni í Kaliforníu í gær. Kynningunni hafði verið beðið með mikilli eftirvæntingu enda búist við að Apple myndi kynna tíu ára afmælisútgáfu iPhone-símans vinsæla.

Apple sveik ekki viðstadda og hér að neðan má lesa stutta yfirferð yfir allt það helsta sem Apple kynnti til leiks í gær, byggt á umfjöllun Wired um viðburðinn.

iPhone X

iPhone hefur á þeim tíu árum sem síminn hefur verið til verið flaggskip Apple og halað inn gífurlegar upphæðir fyrir fyrirtækið. Undanfarna mánuði hefur mikið verið ritað og rætt um hvort að Apple myndi ekki örugglega halda upp á afmælið og óhætt er að segja að Apple hafi gert nákvæmlega.

Tim Cook, forstjóri Apple, kynnti til leiks Apple X, eða Apple 10 enda virðist sem að X sé rómversk tala. Síminn er mjög fallegur á að líta og eins og sjá má er lítið annað en skjár á framhliðinni.

Home-takkinn svokallaði er alveg horfinn og í staðinn eru komnar myndavélar á framhliðina og ný tækni sem þekkir andlit eigandans. Símanum er því einfaldlega aflæst með því að horfa á hann. Athygli vakti þó að kynni Apple mistókst að nota tæknina í fyrstu tilraun þegar verið var að kynna þetta til leiks í gær. Tæknin er flókin en nánari útskýringu á henni má sjá hér.

Síminn er gerður úr gleri og stáli og segir Apple að þetta sér sterkbyggðasti iPhone síminn til þessa. Þá kynnir Apple til leiks þráðlausa hleðslu og stefnir Apple á að setja hleðslumottu á markað innnan tíðar. Virkar hún þannig að hægt er að leggja símann á mottuna og hefst þá hleðslan.

Rafhlöðuendingin er einnig sögð vera tveimur tímum lengri en áður auk þess sem að örgjörvi símans er afar kraftmikill.

Skjár símans er 5,8 tommur og nefnist hann Super Retina Display. Þá hefur myndavélin fengið uppfærslu, eins og við mátti búast.

Síminn kemur í tveimur litum. Svörtum og gráum og hægt verður að fá 64 gígabæta og 264 gígabæta útgáfu. Reikna má með að iPhone X verði dýrari en aðrir iPhone en í Bandaríkjunum kostar ódýrasta útgáfan 999 dollara. Nánari umfjöllun um símann má nálgast hér en búast má við símanum á markað í október/nóvember.

iPhone 8 og iPhone 8 plus

Ef þú ert ekki alveg tilbúin/n í að eyða öllum peningunum í iPhone X en langar samt í nýjan iPhone er Apple einnig með lausn fyrir þig. Samhliða iPhone X kynnti Appe iPhone 8 og iPhone 8 plus.

Símarnir keyra á sama örgjörva og X-útgáfan. Home-takkinn heldur þó kyrru fyrir og því er ekki að finna andslitstækni Apple í þessum útgáfum. Ef iPhone X er alveg nýr sími má segja að iPhone 8 sé eðlilegt framhald Apple af iPhone 7.

Sú breyting er þó á að myndavélin fær uppfærslu sem og útlit símans. Það er meira gler sem gerir það að verkum að símarnir styðja einnig þráðlausa hleðslu sem Apple virðist vera að veðja mikið á. Símarnir koma á markað síðar í mánuðinum og verða eins og fyrr segir ódýrari en x-útgáfan. Nánar má lesa um símana hér.

Apple Watch Series 3

Ný útgáfa af Apple-úrinu var einnig kynnt til leiks. Þráðlausa hleðslan er mætt til leiks í þessari útgáfu. Þá hefur sérstökum kubb verið komið fyrir í hinu nýja úru sem gerir notendum kleyft að skilja símann eftir heima, t.d. þegar farið er út að hlaupa.

Hæg er að hringja úr úrinu án þess að síminn sé nálægt og þá mun Apple Music mæta til leiks í úrið von bráðar. Úrið hefur reynst vinsælt meðal þeirra sem hreyfa sig mikið og eru allir þeir eiginleikar enn til staðar. Úrið kemur á markað síðar í mánuðinum en nánar má lesa um það hér.

Animoji og Apple TV 4k

Já, hvað er þetta eiginlega? Í stuttu máli sagt mun iMessages spjallforrit Apple gera notendum kleyft að taka upp hreyfanlega emoji sem síðan er hægt að senda skilaboð. Skrýtið en skemmtilegt.

Apple kynnti einnig til leiks Apple TV 4K, nýja útgáfu af sjónvarpsboxi fyrirtækisins. Þar ber helst að nefna að tækið styður nú 4K upplausn sem ætti að verða allsráðandi í framtíðinni. Nánar má lesa um tækið hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
GRND
1,56
5
94.000
HAGA
1,21
1
226
SIMINN
0,96
1
101.040

Mesta lækkun dagsins


Félag
Br.%
Fjöldi
Velta*
OSSRu
-2,22
5
3.611
EIK
-2,13
8
75.439
NYHR
-1,28
4
13.512
REGINN
-0,95
9
146.610
SJOVA
-0,57
2
34.600