Fótbolti

Villas-Boas sakar andstæðinginn um að valda umferðarslysum

Ástrós Ýr Eggertsdóttir skrifar
Portúgalinn Villas-Boas hefur verið hjá Shanghai síðan 2016
Portúgalinn Villas-Boas hefur verið hjá Shanghai síðan 2016 Vísir/getty

Andre Villas-Boas, knattspyrnustjóri Shanghai SIPG, hefur sakað Guangzhou Evergrande um að leggja á ráðin og valda umferðarslysum. BBC greinir frá.

Liðin mættust í 8-liða úrslitum Meistaradeild Asíu í gær, þar sem SIPG vann 5-4 í vítaspyrnukeppni.

„Tveir aðskildir bílar fyrir framan okkur lenntu í þremur bílslysum. Þetta félag getur valdið slysum,“ sagði Villas-Boas.

Shanghai missti tvo leikmenn út af í framlengingu leiksins, sem endaði 5-5 eftir að Shanghai leiddi 4-0 eftir fyrri leik liðanna

„Guangzhou eru með leikmenn sem gefa olnbogaskot og er ekki refsað. Dómarinn gaf okkar markmanni gult spjald í vítaspyrnukeppninni og það er hneyksli. Zhang Linpeng [leikmaður Guangzhou] átti að vera rekinn útaf í fyrri leiknum fyrir olnbogaskot, en aganefnd knattspyrnusambans Asíu sér það ekki sem ólöglega hegðun,“ bætti Villas-Boas við, sem var mjög ósáttur með dómara leiksins.

„Þetta er mesta afrek SIPG, því það er gegn félagi sem ræður yfir knattspyrnusambandi Asíu.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira