Viðskipti innlent

EasyJet semur við Dohop um flugbókunarvef

"Þetta samstarf við easyJet boðar tímamót í sögu Dohop,” segir Davíð Gunnarsson, framkvæmdastjóri félagsins
"Þetta samstarf við easyJet boðar tímamót í sögu Dohop,” segir Davíð Gunnarsson, framkvæmdastjóri félagsins vísir/pjetur

Breska flugfélagið easyJet kynnir í dag nýja vöru, Worldwide by easyJet, sem knúin er af tækni frá íslenska fyrirtækinu Dohop. Í fyrsta skipti í sögu easyJet býður félagið upp á þjónustu sem hjálpar viðskiptavinum að finna tengiflug. Annars vegar má finna tengingar milli tveggja easyJet fluga og hins vegar milli easyJet og samstarfsflugfélaga. Fram að þessu hefur easyJet aðeins selt eigin flug á sínum vef en brýtur með þessu blað í sögu sinni.

Þetta kemur fram í tilkynningu en þar segir að Worldwide by easyJet byrji í samstarfi við tvö flugfélög, Norwegian og WestJet. Í fyrstu verður aðeins boðið upp á tengingar í gegnum Gatwick flugvöll í London en hann er aðalflugvöllur easyJet. Það er GatwickConnects þjónustan, sem Gatwick setti á laggirnar árið 2015 í samstarfi við Dohop, sem veitir tengifarþegum þjónustu á vellinum.

„Þetta samstarf við easyJet boðar tímamót í sögu Dohop,” segir Davíð Gunnarsson, framkvæmdastjóri félagsins. „EasyJet er leiðandi lággjaldaflugfélag í Evrópu og það áttunda stærsta í heimi miðað við farþegafjölda. Okkar hugbúnaður hjálpar þeim að stíga stórt skref í átt að áframhaldandi vexti og styrkja stöðu sína sem brautryðjendur meðal flugfélaga í heiminum,“ er haft eftir honum í tilkynningu.

Dohop, sem recur ferðaleitarvefinn dohop.is, hefur frá stofnun félagsins árið 2004 einbeitt sér að því að finna tengingar milli lággjaldaflugfélaga og hefðbundinna flugfélaga.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
1,74
7
169.263
NYHR
0,37
2
27.481
MARL
0,3
7
253.842
SIMINN
0
5
413.065
N1
0
1
21

Mesta lækkun dagsins


Félag
Br.%
Fjöldi
Velta*
OSSRu
-2,17
2
3.297
EIM
-1,62
8
236.102
HAGA
-1,59
7
28.566
SJOVA
-1,14
2
2.610
VIS
-0,99
2
12.699