Innlent

Bein útsending: Kvöldfréttir Stöðvar 2

Þórhildur Þorkelsdóttir skrifar

Það stefnir í að það hægi á fjölgun ferðamanna sem koma hingað til lands á næstu árum, en það gæti reynt verulega á fyrirtæki í greininni og minni fyrirtæki gætu orðið undir. Fjallað verður ítarlega um stöðuna á íslenski ferðaþjónustu, stærstu útflutningsgrein landsins, og framtíð hennar í fréttum Stöðvar 2 í kvöld.

Við fjöllum líka um manneklu á leikskólum borgarinnar. Enn vantar hundrað manns til starfa og leikskólastjóri segir stefna í óefni í vetur verði ekki breyting þar á en Skóla- og frístundaráð Reykjavíkurborgar samþykkti á fundi sínum í dag að setja á laggirnar tvö teymi til að bregðast við manneklu í leikskólum og frístundaheimilum.

Þá kynnum við okkur svokallaða deilibíla sem teknir verða í notkun í fyrsta skipti hér á landi eftir helgi en þá geta þeir sem ekki eiga bíl leigt bíla í allt niður í klukkutíma í senn. Í fréttatímanum skoðum við líka nýjasta iPhone-inn, en í honum er andlitsskanni sem gæti orðið til þess að breyta upplýsingaöryggi í heiminum. Þetta og margt fleira í fréttum Stöðvar 2 klukkan 18:30.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira