Körfubolti

LaVar Ball óð á súðum í First Take: Lakers vinnur 50 leiki eða meira og LA Bron kemur

Ingvi Þór Sæmundsson skrifar
LaVar Ball er sannkallaður vélbyssukjaftur.
LaVar Ball er sannkallaður vélbyssukjaftur. vísir/getty

Kjaftaskurinn og athyglissjúki körfuboltapabbinn LaVar Ball óð á súðum í þættinum First Take á ESPN.

Los Angeles Lakers valdi elsta son Balls, Lonzo Ball, með öðrum valrétti í nýliðavali NBA-deildarinnar í sumar.

Lakers hefur skrapað botninn í Vesturdeildinni undanfarin ár en Ball telur að það muni breytast með tilkomu sonar síns.

„Lakers vinnur 50 leiki eða meira,“ sagði Ball. Stephen A. Smith var þá öllum lokið og sagði að það þyrfti að senda Ball í lyfjapróf eins og skot. Kannski ekki furða enda vann Lakers aðeins 26 leiki á síðasta tímabili. Aðeins tvö lið í allri NBA-deildinni unnu færri leiki.

Ball sagði einnig að LeBron James myndi yfirgefa Cleveland Cavaliers og fara til Lakers til að spila með syni sínum.

„Þú getur byrjað að stafa nafnið hans LA Bron. Hann verður að koma hingað og spila með syni mínum. Hann hefði ekki íhugað það í fyrra,“ sagði Ball sem reitti LeBron til reiði fyrr á þessu ári. LeBron er ekki sá eini sem Ball hefur pirrað en hann virðist gera allt brjálað í hvert einasta skipti sem hann opnar munninn.

NBA

Tengdar fréttir

Barkley skoraði á pabba Ball í einn á einn

NBA-goðsögnin Charles Barkley og gráðugasti körfuboltapabbinn í Bandaríkjunum halda áfram að skjóta á hvorn annan í fjölmiðlum en nú síðast gekk Barkley einu skrefi lengra.

Pabbi Ball vill 112 milljarða skósamning fyrir synina þrjá

LaVar Ball er tilbúinn að selja syni sína fyrir einn milljarð dollara. Hann er þó ekki að selja strákana sína í bókstaflegri merkingu heldur réttinn til þess íþróttavörufyrirtækis sem vill að drengirnir spili í þeirra skóm.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira