Veiði

314 laxar komnir úr Stóru Laxá

Karl Lúðvíksson skrifar
Stóra Laxá opnaði feyknavel en veiðin hefur annars verið róleg í sumar.
Stóra Laxá opnaði feyknavel en veiðin hefur annars verið róleg í sumar.

Stóra Laxá byrjaði sumarið afskaplega vel og veiðitölur sem sáust fyrstu dagana gáfu góð fyrirheit fyrir það sem stefndi í gott sumar.

Það hefur bara því miður ekki orðið raunin og veiðin í ánni í sumar hefur verið afskaplega róleg fyrir utan opnunardagana.  Samkvæmt veiðibókum eru komnir 140 laxar á land á svæði 1 og 2, 49 laxar á svæði 3 og 125 laxar á svæði 4.  Heildarveiðin í ánni er sem sagt komin í 314 laxa.  Heildarveiðin í fyrra var 620 laxar.  Stóra laxá er að vísu vel þekkt fyrir svakaleg skot á haustin þegar haustrigningarar hækka vatnið í ánni en það hefur bara ekki gerst ennþá en lengi má halda í vonina eins og veiðimenn þekkja.

Stóra Laxá getur sveiflast mikið í veiðitölum og frá árinu 2000 hefur hún átt fimm ansi mögur ár.  Besta árið var 2013 þegar það veiddust 1776 laxar en lélegasta árið var árið 2000 þegar aðeins veiddust 183 laxar í ánni.  2000-2005 voru ansi mögur ár en 2006 var ágætt með veiði up á 709 laxa.  Það verður ekki af ánni tekið að þetta er eitt fallegasta veiðisvæði landsins og alveg óháð því þótt þetta ár hafi verið lélegt þá á áin sinn fasta kúnnahóp sem heldur tryggð við hana.







Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira