Menning

Allt verður að fara af lagernum

Stefán Þór Hjartarson skrifar
Margeir flytur af landi brott og þarf að losa lagerinn. Allt á að fara.
Margeir flytur af landi brott og þarf að losa lagerinn. Allt á að fara. Vísir/Anton Brink

Listamaðurinn Margeir Dire heldur uppboð á verkum sínum, allt frá litlum teikningum upp í mannhæðarhá olíumálverk, í þartilgerðum Facebook-hópi, Uppboð Margeir Dire, um þessar mundir. Margeir flytur til Berlínar í lok mánaðar og ætlar að byrja á núlli þar og því verður allt að fara af lagernum. Þarna má fá myndlist langt undir söluverði enda hefjast öll uppboð á hálfvirði verkanna.

Nokkur verkanna sem verða boðin upp. Vísir/Anton Brink

„Ég set inn suma daga bara eitt stórt verk, en þegar það eru minni verk þá set ég kannski inn 2-3 verk. Planið er svo að halda lokahóf sem verður í raun sýning með uppboði. Þetta er allt í allt einhver 50 verk sem ég er að bjóða upp.

Elsta verkið hérna er frá 2004 og svo er þetta allt upp í verk sem ég gerði fyrir mánuði. Þetta er eitthvað sem hefur safnast upp, sum verkin hafa í raun bara farið beint inn í geymslu og ég hef aldrei reynt að koma þeim út. Þetta eru aðallega gullmolar – sum hver verk sem ég ætlaði að geyma og eiga en það er ekkert vit í því að reyna að safna sjálfum sér,“ segir Margeir. 

Uppboðið má nálgast hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira