Bílar

Hafa sléttuúlfar líka níu líf?

Finnur Thorlacius skrifar
Kolfastur en lítið meiddur eftir ökuferðina löngu.
Kolfastur en lítið meiddur eftir ökuferðina löngu.

Sagt er að kötturinn hafi níu líf, en svo virðist sem þessi sléttuúlfur eigi nokkur. Ekið var á hann fyrr í þessum mánuði í nágrenni Calgary í Alberta fylki í Kanada. Ökumaðurinn Georgie Knox heyrði vel brothljóð þegar hún ók á sléttuúlfinn og það vísar yfirleitt ekki á gott, en viti menn.

Hún ók með sléttuúlfinn um 30 kílómetra leið fastan í grillinu á bílnum og var þá látin vita af vegfaranda af föstum sléttuúlfnum og kíkti framan á bílinn. Það var vafalaust upplit á Georgie þegar hún gekk fram fyrir bílinn og sléttuúlfurinn leit upp til hennar og blikkaði til hennar biðlandi augum. Hann var sprelllifandi og lítið meiddur vafinn í plastgrillið á Toyota bílnum hennar.

Það voru síðan starfsmenn Alberta´s Fish and Wildlife Enforcement sem leystu sléttuúlfinn úr prísundinni og svo litlir voru áverkarnir á honum að honum var samstundis hleypt lausum útí náttúruna, frelsinu feginn, en kannski ekki alveg viss um hvar hann væri staddur.

Í meðfylgjandi myndskeiði má sjá þegar sléttuúlfurinn er fjarlægður úr grillinu og sleppt lausum.

Uppfært: Í fyrstu útgáfu fréttarinnar var sagt að um ref hefði verið að ræða en það rétta er að dýrið er sléttuúlfur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira